ട്രാൻസ്ജെൻഡർ അവകാശ ഭേദഗതി ബിൽ; വെബിനാർ സംഘടിപ്പിച്ചു

By ന്യൂസ് വയനാട് ബ്യൂറോ

കൽപ്പറ്റ : കേരള ശാസ്ത്ര സാഹിത്യ പരിഷത്ത് വയനാട് യുവസമിതിയുടെ ആഭിമുഖ്യത്തിൽ ട്രാൻസ്ജെൻഡർ നിയമ ഭേദഗതി ബില്ലുമായി ബന്ധപ്പെട്ട് വെബിനാർ സംഘടിപ്പിച്ചു. മാനുഷിക അവകാശ ലംഘനങ്ങളെ മുൻനിർത്തി ‘അവകാശത്തിന്റെ നിഷേധം ; ട്രാൻസ്ജെൻഡർ ഭേദഗതി ബിൽ ഒരു വായന’ എന്ന പേരിൽ സംഘടിപ്പിച്ച വെബിനാർ യുവസമിതി സംസ്ഥാന ചെയർപേഴ്സൺ എം ദിവാകരൻ ഉദ്ഘാടനം ചെയ്തു.

കേരള ഹൈ കോടതി അഭിഭാഷകനായ ടി ലജിത് കോട്ടക്കൽ വിഷയവതരിപ്പിച്ചു. 2026ൽ നിലവിൽ വന്ന ബിൽ അവകാശ ലംഘനവും അശാസ്ത്രീയവുമാണന്ന് അദ്ദേഹം അഭിപ്രായപ്പെട്ടു. യുവസമിതി ജില്ലാ കൺവീനർ ടി ടി അശ്വിൻ ജോസഫ് അധ്യക്ഷനായി. വയനാട് യുവസമിതിയുടെ ലോകോൺ കൺവീനർ കെ എം പ്രതീഷ് സ്വാഗതവും പരിഷത്ത് കേന്ദ്ര നിർവാഹകസമിതി അംഗം കെ എ അഭിജിത്ത് നന്ദിയും പറഞ്ഞു.