ബത്തേരിയിലെ റോഡുകൾ നവീകരിക്കും; റോഡ് പ്രവൃത്തികൾക്ക് 1.80 കോടി രൂപയുടെ ഭരണാനുമതി

By ന്യൂസ് വയനാട് ബ്യൂറോ

ബത്തേരി: ഐ സി ബാലകൃഷ്ണൻ എം എൽ എയുടെ ആസ്തി വികസന ഫണ്ടിൽ നിന്നും സുൽത്താൻ ബത്തേരി മണ്ഡലത്തിലെ വിവിധ ഗ്രാമ പഞ്ചായത്തുകളിൽ റോഡ് പ്രവൃത്തികൾക്കായി 1.80 കോടി രൂപയുടെ ഭരണാനുമതി ലഭിച്ചു. നൂൽപ്പുഴ പഞ്ചായത്തിലെ നായ്ക്കട്ടി- മാതമംഗലം പുളിമരം കവല റോഡ് ടാറിംഗിന് 20 ലക്ഷം രൂപ, കാര്യമ്പാടി പണിയ ഉന്നതി റോഡ് ടാറിംഗിന് 15 ലക്ഷം രൂപ, ചിത്രാലക്കര വയൽ വരമ്പ് റോഡ് ഫോർമേഷന് 20 ലക്ഷം രൂപ എന്നിങ്ങനെ ഭരണാനുമതിയായി.

അമ്പലവയൽ പഞ്ചായത്തിലെ മേനോൻമുക്ക് -കോട്ടൂർ റോഡ് ടാറിംഗിന് 15 ലക്ഷം, കൊട്ടമ്പംകാരച്ചാൽ റോഡ് കോൺക്രീററ്റിന് 15 ലക്ഷം, വടുവൻചാൽ മലംകൊല്ലി റോഡ് ടാറിംഗിന് 10 ലക്ഷം, ചെറുവയൽ പങ്ങലേരി റോഡ് ടാറിംഗിന് 15 ലക്ഷം, ആനപ്പാറ റേഷൻകട ചക്രൂട്ട് വയൽ ടാറിംഗ്- കലുങ്ക് നിർമാണത്തിന് 10 ലക്ഷം രൂപയും അനുവദിച്ചു. പൊട്ടൻകൊല്ലി -എം സി റേഡ് കോൺക്രീറ്റിന് 10 ലക്ഷം, കരിമ്പംകുന്ന്- കാവ് റോഡ് (ചീങ്ങേരി) കോൺക്രീറ്റിന് 10 ലക്ഷം, പൊട്ടൻകൊല്ലി – ചെറുവയൽ ഗുപ്തൻ റേഡ് കോൺക്രീറ്റിന് 20 ലക്ഷം രൂപയും മെഴുകുതിരി കമ്പനി കൊട്ടമ്പം റോഡ് സൈഡ് കെട്ടും കോൺക്രീറ്റ് പ്രവർത്തിക്ക് 10 ലക്ഷം രൂപയും അനുവദിച്ചു. പുൽപള്ളി പഞ്ചായത്തിലെ ശങ്കുണ്ണികവല ഗാന്ധിനഗർ ഉന്നതി റോഡ് ടാറിംഗിന് 10 ലക്ഷം രൂപ അനുവദിച്ചു.