ലോക മുലയൂട്ടൽ വാരം: പുൽപ്പള്ളിയിൽ തെരുവുനാടകം സംഘടിപ്പിച്ചു
പുൽപ്പള്ളി: ലോക മുലയൂട്ടൽ വാരാചരണത്തിന്റെ ഭാഗമായി മുലയൂട്ടലിന്റെ പ്രാധാന്യത്തെക്കുറിച്ച് ആളുകളിൽ അവബോധം സൃഷ്ടിക്കുന്നതിനായി വനിതാ-ശിശു വികസന വകുപ്പ് ഐ സി ഡി എസ് പനമരം അഡീഷണൽ പ്രോജക്ടിന്റെ നേതൃത്വത്തിൽ തെരുവുനാടകം സംഘടിപ്പിച്ചു. പുൽപ്പള്ളി സി എച്ച് സി കോമ്പൗണ്ടിൽ വെച്ച് നടത്തിയ പരിപാടിയിൽ പ്രോജക്ടിനു കീഴിലെ അങ്കണവാടി വർക്കർമാരാണ് നാടകം അവതരിപ്പിച്ചത്. ചടങ്ങിൽ ഐ സി ഡി എസ് പനമരം അഡീഷണൽ ശിശുവികസന പദ്ധതി ഓഫീസർ ലീഷ്മ വൈ. പി., പുൽപ്പള്ളി സി എച്ച് സി മെഡിക്കൽ ഓഫീസർ ഡോ. പ്രഭാകരൻ എന്നിവർ സംസാരിച്ചു.
Leave a Reply