“ഇനിയൊരു ദുരന്തത്തിന് വയനാടിനെ വിടരുത്” – പത്മശ്രീ ചെറുവയൽ രാമൻ

By ന്യൂസ് വയനാട് ബ്യൂറോ

മാനന്തവാടി: കേരളം കണ്ട ഏറ്റവും വലിയ പ്രകൃതി ദുരന്തത്തിൽ വയനാട് വിറങ്ങലിച്ച് നിൽക്കുന്ന സാഹചര്യത്തിൽ ഇനിയൊരു ദുരന്തത്തിന് വയനാടിനെ വിടരുത് എന്ന് പത്മശ്രീ ചെറുവയൽ രാമൻ. വയനാട് കൂളിവയൽ സൈൻ ഐ എ ഫ് എസ് സ്കൂൾ ഇക്കോ ക്ലബ്ബായ ‘ടെറ’ യുടെ ഉദ്ഘാടനം നിർവഹിച്ചുകൊണ്ട് സംസാരിക്കുകയായിരുന്നു അദ്ദേഹം. പ്രകൃതിക്ക് ഇണങ്ങിയുള്ള ജീവിതശൈലിയാണ് വയനാടൻ ജനതയ്ക്ക് സ്വീകാര്യമായതെന്നും വരും തലമുറ വയനാടിന്റെ പ്രകൃതി സംരക്ഷകർ ആകണമെന്നും വിദ്യാർത്ഥികളുമായി നടത്തിയ സംവാദത്തിൽ അദ്ദേഹം അഭിപ്രായപ്പെട്ടു. ചടങ്ങിൽ സൈൻ വൈസ് ചെയർമാൻ അബ്ദുള്ള ദാരിമി, പ്രിൻസിപ്പൽ ഷമീർ ഗസ്സാലി, ഓർഗനൈസിംഗ് സെക്രട്ടറി നൗഫൽ ഗസാലി, അനുശ്രീ എം വി, നൗഫൽ മർജാനി എന്നിവർ സംബന്ധിച്ചു.