കുടക് എരുമാട് മഖാം ഉറൂസ് ഫെബ്രുവരി 22 മുതൽ മാർച്ച് ഒന്ന് വരെ.
കൽപ്പറ്റ: ചരിത്ര പ്രസിദ്ധമായ കുടക് ജില്ലയിലെ എരുമാട് മഖാം ഉറൂസ് ഫെബ്രുവരി 22-ന് തുടങ്ങും. മാർച്ച് ഒന്ന് വരെയാണ് ഉറൂസ് എന്ന് ഭാരവാഹികൾ കൽപ്പറ്റയിൽ വാർത്താ സമ്മേളനത്തിൽ അറിയിച്ചു. 22-ന് ജുമുഅ നിസ്കാരത്തിന് ശേഷം മഖാം സിയാറത്തും പതാക ഉയർത്തലും നടക്കും. സയ്യിദ് പാണക്കാട് മുനവ്വറലി ശിഹാബ് തങ്ങൾ ഉദ്ഘാടനം ചെയ്യും. ഇതോടനുബന്ധിച്ച് സമൂഹ വിവാഹവും ഒരുക്കിയിട്ടുണ്ട്. 22 – മുതൽ എല്ലാ ദിവസവും മതപ്രഭാഷണം ഉണ്ടാകും. 23-ന് രാത്രി എട്ട് മണിക്ക് ദിഖ്ർ ഹൽഖയും 24-ന് ഖത്തം ദുആ യും 25-ന് ഉച്ചക്ക് 12-മണിക്ക് സാംസ്കാരിക സമ്മേളനവും വൈകുന്നേരം നാല് മണി മുതൽ ആറ് മണി വരെ അന്നദാനവും നടക്കും. 27-ന് രാവിലെ 10 മണിക്ക് ദു ആ മജ്ലിസും മതപ്രഭാഷണവും. മാർച്ച് ഒന്നിന് ജുമാ നിസ്കാരത്തിന് ശേഷം നടക്കുന്ന സമാപന സമ്മേളനത്തിൽ കാന്തപുരം എ.പി. അബൂബക്കർ മുസ്ളിയാർ മുഖ്യ പ്രഭാഷണം നടത്തും . പത്ര സമ്മേളനത്തിൽ വി.എം. കുഞ്ഞിക്കോയ തങ്ങൾ, സി.എം. മുഹമ്മദ് മുസ്ലിയാർ ,പി.സി. ജലീൽ സഖാഫി, എൻ.എം. അഷ്റഫ് എന്നിവർ വാർത്താ സമ്മേളനത്തിൽ പങ്കെടുത്തു.
Leave a Reply