അഗ്നിനാളങ്ങൾ എരിഞ്ഞമർന്നു. കോടിയേരി ഓർമ്മയായി

കണ്ണൂർ : കമ്യൂണിസ്റ്റ് 

 മഹാരഥൻമാർ ഉറങ്ങുന്ന പയ്യാമ്പലത്തിന്റെ ചുവന്ന മണ്ണിൽ തീനാളങ്ങൾ പ്രിയ നേതാവിനെ ഏറ്റുവാങ്ങി.

രക്ത നക്ഷത്രം എരിഞ്ഞടങ്ങി.

കണ്ണൂർ ജില്ലാ കമ്മിറ്റി ഓഫീസായ അഴിക്കോടൻ മന്ദിരത്തിൽനിന്ന് ആയിരങ്ങൾ അണിചേർന്ന വിലാപയായത്രയായി കോടിയേരിയുടെ  മൃതദേഹം മൂന്ന് മണിയോടെയാണ്  പയ്യാമ്പലത്തെത്തിച്ചത്.വാഹനത്തിൽനിന്ന് സിപിഐ എം ജനറൽ സെക്രട്ടറി സീതാറാം യെച്ചുരി, മുഖ്യമന്ത്രി  പിണറായി വിജയൻ, പി ബി അംഗങ്ങളായ പ്രകാശ് കാരാട്ട് , എം എ ബേബി തുടങ്ങിയ മുതിർന്ന നേതാക്കൾ മൃതദേഹം തോളിലേറ്റി .ആ നേരം ‘ഇല്ലാ ഇല്ലാ മരിക്കുന്നില്ല; ജീവിക്കുന്നു ഞങ്ങളിലൂടെ ’ എന്ന് ആയിരം കണ്ഠങ്ങളിൽ നിന്ന് ഒരേസമയം മുദ്രാവാക്യം ഉയരുന്നുണ്ടായിരുന്നു.

കോടിയേരിയുടെ ഭാര്യ വിനോദിനിയെ ആശ്വസിപ്പിക്കുന്ന മുഖ്യമന്ത്രി പിണറായി വിജയന്റെ ഭാര്യ കമല

തുടർന്ന് മുൻ അഭ്യന്തരമന്ത്രിയായ കോടിയേരി ബാലകൃഷ്ണന് പൊലീസ് പൂർണ ഔദ്യോഗിക  ബഹുമതികളോടെ ഗാർഡ് ഓഫ് ഓണർ അർപ്പിച്ചു. മക്കളായ ബിനോയും ബീനിഷും അച്ഛന്റെ ചിതയ്ക്ക് തീ പകർന്നു.

സാമ്യമായ കമ്യൂണിസ്റ്റ് മുഖം മാഞ്ഞെങ്കിലും സഖാവ് ഉയർത്തിയ കമ്യൂണിസ്റ്റ് മൂല്യങ്ങൾ ഞങ്ങൾ മാറോടണക്കും എന്ന് പാർട്ടിക്കാർ ഉറക്കെ വിളിച്ച് രക്തനക്ഷത്രത്തെ യാത്രയാക്കി.