ഇരട്ടക്കുട്ടികളുടെ സംഗമം ജനുവരി -29 ന് നടക്കും
കൽപ്പറ്റ :എടപ്പെട്ടി സെന്റ് സെബാസ്റ്റ്യൻ ചർച്ച് ഇടവകയുടെ നേതൃത്വത്തിൽ 2023 ജനുവരി 29 ന് മലബാർ കേന്ദ്രികരിച്ച് നടത്താൻ തീരുമാനിച്ച ഇരട്ടക്കുട്ടികളുടെ സംഗമം യുഗ്മ -2023 ന്റെ സ്വാഗതസംഘ രൂപീകരണം എടപ്പെട്ടി പാരിഷ് ഹാളിൽ നടന്നു. നാനാജാതി മതസ്ഥരായ ഒറ്റ പ്രസവത്തിൽ ജനിച്ച രണ്ടും അതിൽ കൂടുതലും ഉള്ള സമൂഹത്തിന്റെ വിവിധ മേഖലകളിൽ ജീവിക്കുന്ന ഇരട്ടകളെ ആണ് യുഗ്മ-2023 ആദരിക്കുന്നത്. അത്യപൂർവ്വവും, ആകർഷവും, വിപുലവും ആയി സംഗമം യുഗ്മ-2019 നടത്തിയിരുന്നു. അന്നത്തെ പ്രചോദവും, സ്വീകാര്യതയും ആണ് മലബാറിൽ വീണ്ടും സംഗമം നടത്തുവാൻ ഇടവക തീരുമാനിച്ചത്. പരിപാടിയുടെ വിജയത്തിനായി വികാരി ഫാദർ:തോമസ് ജോസഫ് തേരകം ചെയർമാനും ,അഡ്വ. റെജി മോൾ ജോൺ ജനറൽ കൺവീനറായും, കൂടാതെ വിവിധ കമ്മിറ്റികളുടെ കൺവീനർന്മാരെയും സ്വാഗതരൂപീകരണയോഗം തെരഞ്ഞെടുത്തു.
Leave a Reply