കാലാവസ്ഥാ വ്യതിയാനം : ദേശീയ സെമിനാർ കൽപ്പറ്റയിൽ

കൽപ്പറ്റ: കാലാവസ്ഥാ വ്യതിയാനത്തിന്റെ ദൂഷ്യഫലങ്ങൾ സമൂഹത്തെ വ്യത്യസ്ത രീതികളിൽ ബാധി ച്ചു കൊണ്ടിരിക്കുന്ന ഇന്നത്തെ സാഹചര്യത്തിൽ കേരള ഹിസ്റ്റോറിക്കൽ കൗൺസിലുമായി സഹകരിച്ച് ഹ്യൂം സെന്റർ ഫോർ ഇക്കോളജി ആൻഡ് വൈൽഡ് ലൈഫ് ബയോളജി 2023 ഏപ്രിൽ 10, 11 തീയതികളിൽ കൽപ്പറ്റ എസ് കെ എം ജെ സ്കൂൾ ജൂബിലി ഹാളിൽ വെച്ച് “ ഭക്ഷ്യ-പോഷകാഹാര സുരക്ഷ :കാലാവസ്ഥാ വ്യതിയാനത്തിന്റെ പശ്ചാത്തലത്തിൽ” എന്ന വിഷയത്തിൽ ഒരു ദ്വിദിന ദേശീയ സെമിനാർ നടത്തുകയാണ്. ഭക്ഷണത്തിലും പോഷകാഹാരത്തിലും കാലാവസ്ഥാ വ്യതിയാനത്തിന്റെ ആഘാതത്തെക്കുറിച്ച് വിദ്യാർത്ഥികളിലുംനയരൂപീകരണക്കാരിലും പൊതുജനങ്ങളിലും അവബോധം വളർത്തുക. ആദിവാസികളുടെ ഭക്ഷ്യ-പോഷകാഹാര സുരക്ഷയുമായി ബന്ധപ്പെട്ട പ്രത്യേക പ്രശ്‌നങ്ങൾ പൊതുജനങ്ങൾക്കും നയരൂപകർത്താക്കൾക്കും ഇടയിൽ രേഖപ്പെടുത്തുകയും പ്രചരിപ്പിക്കുകയും ചെയ്യുക. കാലാവസ്ഥാ വ്യതിയാനത്തിന്റെ പശ്ചാത്തലത്തിൽ ഭക്ഷ്യ-പോഷകാഹാര സുരക്ഷയുടെ പ്രശ്‌നങ്ങളും സാധ്യതകളും ചർച്ച ചെയ്യുന്നതിനും പൊതുജനങ്ങൾക്കും തദ്ദേശ സ്വയംഭരണ സ്ഥാപനങ്ങൾക്കും ഒരുമിച്ചു ചേരുന്നതിനുള്ള ഒരു വേദി സുഗമമാക്കുക എന്നിവയാണ് സെമിനാറിന്റെ പ്രധാന ലക്ഷ്യങ്ങൾ. കൂടാതെ കാലാവസ്ഥാ വ്യതിയാനത്തെ പ്രതിരോധിക്കാൻ കഴിയുന്ന പ്രാദേശികവും പരമ്പരാഗതവും തദ്ദേശീയവുമായ ഭക്ഷ്യ സമ്പ്രദായങ്ങൾക്ക് ഊന്നൽ നൽകിക്കൊണ്ട് അന്താരാഷ്ട്ര, ഇന്ത്യൻ, കേരള പശ്ചാത്തലത്തിൽ ഭക്ഷ്യസുരക്ഷയുടെ ഇന്നത്തെ അവസ്ഥ ചർച്ച ചെയ്യാനാണ് സെമിനാർ ലക്ഷ്യമിടുന്നത്.