ഓണം സ്‌പെഷ്യല്‍ ഡ്രൈവ് ;ചെക്ക് പോസ്റ്റുകളില്‍ സംയുക്ത വാഹന പരിശോധന നടത്തി
തോല്‍പ്പെട്ടി: ഓണം സ്‌പെഷ്യല്‍ ഡ്രൈവിന്റെ ഭാഗമായി മദ്യം, മയക്കുമരുന്നുകള്‍, നിരോധിത പുകയില ഉല്‍പ്പന്നങ്ങള്‍ എന്നിവ കണ്ടെത്തുന്നതിനും, ഇവയുടെ കടത്തും , വിപണനവും തടയുന്നതിനായുംമാനന്തവാടി എക്‌സൈസ് സര്‍ക്കിള്‍, റെയ്ഞ്ച് ഉദ്യോഗസ്ഥരുടെ നേതൃത്വത്തില്‍ പോലീസ് ഡോഗ് സ്‌ക്വാഡുമായി ചേര്‍ന്ന് ബാവലി തോല്‍പ്പെട്ടി എക്‌സൈസ് ചെക്ക് പോസ്റ്റുകളില്‍ സംയുക്ത വാഹന പരിശോധന നടത്തി. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ സജിത് ചന്ദ്രന്‍ , എകസൈസ് ഇന്‍സ്‌പെക്ടര്‍ മണികണ്ഠന്‍ വി.കെ, സി.ഇ.ഒ മാരായ ദീപു , വിപിന്‍ കുമാര്‍, വജീഷ്, പോലീസ് ഡോഗ് സ്‌ക്വാഡിലെ രാകേഷ്, അനില്‍ സക്കറിയ എന്നിവര്‍ പരിശോധനയില്‍ പങ്കെടുത്തു.വരും ദിവസങ്ങളിലും ലഹരി വസ്തുക്കള്‍ കണ്ടെത്തുവാന്‍ പരിശീലനം ലഭിച്ച ഡോഗ് സ്‌ക്വാഡിന്റെ സേവനം പ്രയോജന പ്പെടുത്തി പരിശോധന തുടരും എന്ന് എക്‌സൈസ് ഉദ്യോഗസ്ഥര്‍ അറിയിച്ചു.
Leave a Reply