നരഭോജി കടുവയെ കണ്ടെത്താന് വനം വകുപ്പ് 80 പേരടങ്ങിയ സ്പെഷ്യല് ടീമിനെ നിയോഗിച്ചു
ബത്തേരി : സുല്ത്താന് ബത്തേരി വാകേരിയില് ഒരാളെ കൊലപ്പെടുത്തിയ നരഭോജി കടുവയെ കണ്ടെത്താനായി വനം വകുപ്പ് 80 പേരടങ്ങിയ സ്പെഷ്യല് ടീമിനെ നിയോഗിച്ചു. ഡോക്ടര്, ഷൂട്ടേഴ്സ്, പട്രോളിംഗ് ടീം എന്നിവര് ഉള്പ്പെടുന്നതാണ് ടീം. ലൈവ് ട്രാപ്പ് ക്യാമറ ഉള്പ്പടെ 25 ക്യാമറകള്, കൂടുകള്, തോക്ക് എന്നിവയും ടീമിന്റെ ആവശ്യത്തിനായി അനുവദിച്ചതായി വനം-വന്യജീവി വകുപ്പുമന്ത്രി എ.കെ.ശശീന്ദ്രന് അറിയിച്ചു. വനം വകുപ്പ് പ്രദേശത്ത് സദാ ജാഗരൂകരായി പ്രവര്ത്തിക്കുകയാണെന്നും പ്രദേശവാസികള് ആശങ്കപെടേണ്ട സാഹചര്യമില്ലെന്നും മന്ത്രി പറഞ്ഞു.
Leave a Reply