സിദ്ധ ദിനാചരണം സംഘടിപ്പിച്ചു

ബത്തേരി :ഏഴാം സിദ്ധ ദിനാചാരണത്തിന്റെ ഭാഗമായി വയനാട് ആയുഷ് ട്രൈബൽ മെഡിക്കൽ യൂണിറ്റിന്റെ നേതൃത്വത്തിൽ ഔഷധ സസ്യ പ്രദർശനവും,പോസ്റ്റർ പ്രദർശനവും , സിദ്ധ മലയാള പുസ്തകങ്ങളുടെ പ്രദർശനവും,ബോധവൽക്കരണ ക്ലാസ്സും ബത്തേരി നെൻമേനി പുഞ്ചവയൽ കുറുമ കോളനിയിൽ നടത്തപ്പെട്ടു.

ഡോ: അരുൺ ബേബി സിദ്ധ ഔഷധ സസ്യങ്ങളെ കുറിച്ചും, നടീൽ രീതികളെ കുറിച്ചും അവയുടെ ഗൃഹ വൈദ്യ മുറകളെ കുറിച്ചും സംസാരിച്ചു. മെഡിക്കൽ ക്യാമ്പും ഇതോടൊപ്പം നടത്തപ്പെട്ടു. ഡോ വന്ദന വി. ടി,ഡോ വന്ദന വിജയൻ തുടങ്ങിയവർ സംസാരിച്ചു.ട്രൈബൽ പ്രൊമോട്ടർ നന്ദി പറഞ്ഞു.