ഭാരത് സ്കൗട്ട് ആൻഡ് ഗൈഡ്സ് രാജ്യ പുരസ്‌കാർ ബഹുമതി നേടി ഏയ്ഞ്ചൽ ഷാജി.

By ന്യൂസ് വയനാട് ബ്യൂറോ

പുൽപ്പള്ളി :കേരള ഗവർണറിൽ നിന്നും ഭാരത് സ്കൗട്ട് ആൻഡ് ഗൈഡ്സ് വിവിധ തിയറി, പ്രാക്റ്റിക്കൽ പരീക്ഷയിൽ മികവ്നേ ടുന്നവർക്ക് ലഭിക്കുന്ന ബഹുമതിയാണ് രാജ്യപുരസ്കാർ .

കേരളത്തിലെ എല്ലാ ജില്ലകളിളും നടന്ന ഭാരത് സ്കൗട്ട് ആൻഡ് ഗൈഡ്സ് ടെസ്റ്റിൽ വയനാട് ജില്ലയിൽ നിന്നുമാണ് ഏയ്ഞ്ചൽ രാജ്യപുരസ്കാർ നേടിയത്.പുൽപ്പള്ളി വിജയ ഹയർസെക്കൻഡറി സ്കൂൾ പത്താം ക്ലാസ് വിദ്യാർത്ഥിനിയാണ് ഏയ്ഞ്ചൽ.

പുൽപ്പള്ളി ആലൂർകുന്ന് വെള്ളിലാംതടത്തിൽ പരേതനായ വി. എം ഷാജിയുടെയും ( മാനേജർ ബെവ്‌കോ, പുൽപ്പള്ളി ) ദീപാ ഷാജിയുടെയും ( ബെവ്‌കോ പുൽപ്പള്ളി ) മകളാണ്.

ഏയ്ഞ്ചലിന്റെ മാതവായ ദീപക്ക് 1994- ൽ നടന്ന ഭാരത് സ്കൗട്ട് ആൻഡ് ഗൈഡ്സ് ലോക ജംബോരിയിൽ പ്രധാനമന്ത്രി നരസിംഹ റാവുവിൽ നിന്ന് ജംബോരി അഡ്വഞ്ചർ അവാർഡും, 1995- ൽ കേരള ഗവർണർ ബി. രാച്ചയ്യയിൽ നിന്നും രാജ്യപുരസ്കാർ ബഹുമതിയും ലഭിച്ചിട്ടുണ്ട്.

ഈ നേട്ടങ്ങൾ ഏഞ്ചലിന് രാജ്യപുരസ്കാർ നേടുന്നതിന് ഏറെ പ്രചോദനമായി.

പുൽപ്പള്ളി വിജയ ഹയർ സെക്കൻഡറി സ്കൂളിലെ ഭാരത് സ്കൗട്ട് ആൻഡ് ഗൈഡ്സ് അധ്യാപകരായ ബിന്ദു കെ ദാമോദരൻ, നെസ്സി ജോസഫ്, ശ്യാമള, മിഥുൻ, സന്തോഷ് എന്നിവരാണ് രാജ്യപുരസ്കാർ നേടുന്നതിന് ഏയ്ഞ്ചലിന് പരിശീലനം നൽകിയത്.