February 29, 2024

ലോക ക്യാൻസർ ദിനം അതിജീവനത്തിന്റെ കരുത്തിന് പാലിയേറ്റീവ് കൂട്ടായ്മയുടെ ആദരം

0
Img 20240205 104753

 

ചെന്നലോട്: ലോക ക്യാൻസർ ദിനത്തോടനുബന്ധിച്ച് മനക്കരുത്ത് കൊണ്ട് ക്യാൻസറിനെ അതിജീവിച്ച് പുതിയ ജീവിതം നയിക്കുന്ന ചെന്നലോട് അറക്കപറമ്പിൽ ജോസ് എന്നവരെ തരിയോട് സെക്കൻഡറി പെയിൻ & പാലിയേറ്റീവ് വളണ്ടിയർ കൂട്ടായ്മയുടെ ആഭിമുഖ്യത്തിൽ ആദരിച്ചു. പാലിയേറ്റീവ് പ്രസിഡണ്ടും തരിയോട് ഗ്രാമപഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷനുമായ ഷമീം പാറക്കണ്ടി പൊന്നാടയണിയിച്ചു. വാർഡ് മെമ്പർ ബീന റോബിൻസൺ അധ്യക്ഷയായി.

 

വർഷങ്ങൾക്കു മുമ്പ് ക്യാൻസർ രോഗം കണ്ടെത്തി കൃത്യമായ ചികിത്സകൾ നടത്തി സാധാരണ ജീവിതത്തിലേക്ക് തിരിച്ചുവന്ന ജോസ്, അതിനുശേഷം മക്കളെ പഠിപ്പിച്ച് നല്ല നിലയിൽ എത്തിക്കുകയും ജീവിതമാർഗം എന്ന നിലയിൽ ചെറിയ ഒരു കട നടത്തുകയും ചെയ്തുവരുന്നു. ചികിത്സ കാലത്തുള്ളതും കുട്ടികളുടെ പഠനം വിവാഹം തുടങ്ങിയവയുമായി ബന്ധപ്പെട്ടുണ്ടായ കടങ്ങൾ ആണ് മുമ്പിലുള്ള ചെറിയ പ്രതിസന്ധികൾ. ഡെയ്സിയാണ് ഭാര്യ. കെ പി ജോർജ്, പാലിയേറ്റീവ് പ്രവർത്തകരായ കെ രാജാമണി, ശാന്തി അനിൽ, അനിൽകുമാർ, ടി കെ ജോർജ്, കെ ടി ഷിബു, കെ പി സെബാസ്റ്റ്യൻ തുടങ്ങിയവർ സംബന്ധിച്ചു.

AdAdAd

Leave a Reply

Leave a Reply

Your email address will not be published. Required fields are marked *