വിപ്ലവ നായകന് വിട
തിരുവനന്തപുരം : മുൻ മുഖ്യമന്ത്രിയും സിപിഎമ്മിന്റെ മുതിർന്ന നേതാവും ജനമനസ്സിലെ പോരാളിയുമായ വി.എസ്. അച്യുതാനന്ദൻ (101) അന്തരിച്ചു. ഇന്ന് വൈകിട്ട് 3.20 ഓടെ തിരുവനന്തപുരം പട്ടം എസ് യൂ ടി ആശുപത്രിയിലായിരുന്നു അന്ത്യം. ഹൃദയാഘാതത്തെ തുടര്ന്ന് കഴിഞ്ഞ മാസം ആശുപത്രിയിൽ പ്രവേശിപ്പിച്ചിരുന്ന അദ്ദേഹം തീവ്രപരിചരണ വിഭാഗത്തിൽ കഴിയുമ്പോഴാണ് അന്ത്യം സംഭവിച്ചത്.
വളരെ ചെറിയ പ്രായത്തിൽ തന്നെ സാമൂഹിക-രാഷ്ട്രീയപ്രവർത്തനത്തിൽ സജീവമായിരുന്ന വിഎസ്, തൊഴിലാളികളുടെ അവകാശങ്ങൾക്കും ഭരണതലത്തിലെ അഴിമതിക്കെതിരെയും നടത്തിയ ശക്തമായ നിലപാടുകൾകൊണ്ടാണ് ശ്രദ്ധേയനായത്. 2006 മുതൽ 2011 വരെ കേരളത്തിന്റെ മുഖ്യമന്ത്രിയായി സേവനമനുഷ്ഠിച്ച അദ്ദേഹം, ബദൽ രാഷ്ട്രീയത്തിന്റെ പ്രതീകമായി ജനഹൃദയത്തിൽ സ്ഥാനം പിടിച്ചു.
സംസ്ഥാനത്തെ പല രംഗങ്ങളിലും വൻ മാറ്റങ്ങൾ വരുത്തിയ വിഎസിന്റെ വേർപാടിൽ കേരളം വലിയൊരു രാഷ്ട്രീയ നേതാവിനെയും തികച്ചും ജനകീയമായൊരു ശബ്ദത്തെയും നഷ്ടപ്പെട്ടിരിക്കുകയാണ്. പൊതുദർശനത്തിനുള്ള ക്രമീകരണങ്ങൾ പിന്നീട് അറിയിക്കും.
Leave a Reply