ജില്ലാ കളക്ടറുടെ അദാലത്തില് 32 പരാതികള്ക്ക് പരിഹാരമായി
എടവക:എടവക പഞ്ചായത്തില് സംഘടിപ്പിച്ച ജില്ലാ കളക്ടറുടെ പരാതി പരിഹാര അദാലത്തില് 32 പരാതികള്ക്ക് പരിഹാരമായി. പഞ്ചായത്ത് സ്വരാജ് ഹാളില് നടന്ന അദാലത്തില് ജില്ലാ കളക്ടര് ഡി.ആര് മേഘശ്രീ, എഡിഎം കെ ദേവകി, സബ് കളക്ടര് അതുല് സാഗര് എന്നിവരാണ് പരാതികള് പരിഗണിച്ചത്. നേരത്തെ ഓണ്ലൈനായി രജിസ്റ്റര് ചെയ്ത 18 പരാതികള്ക്ക് പുറമേ 62 പരാതികള് കൂടി നേരിട്ട് അദാലത്ത് വേദിയില് ലഭിച്ചു.ആകെ ലഭിച്ച 80 പരാതികളില് 32 എണ്ണം അദാലത്തില് വെച്ചുതന്നെ അപേക്ഷകര്ക്ക് അനുകൂലമായ തീരുമാനമെടുത്ത് തീര്പ്പാക്കി. തുടര് നടപടികള് ആവശ്യമുള്ള പരാതികള് ബന്ധപ്പെട്ട വകുപ്പുകളിലെ ഉദ്യോഗസ്ഥരുമായി ചര്ച്ച ചെയ്തശേഷം തുടര്നടപടിക്കായി കൈമാറുകയും ചെയ്തു.
വിവിധ വകുപ്പുകളിലെ ജില്ലാതല-താലൂക്ക് തല ഉദ്യോഗസ്ഥരും, പഞ്ചായത്ത്, റവന്യൂ ഉദ്യോഗസ്ഥരും ഗ്രാമപഞ്ചായത്ത് ജനപ്രതിനിധികളും അദാലത്തില് എത്തിയിരുന്നു. വിവിധ സര്ക്കാര് വകുപ്പുകളുമായി ബന്ധപ്പെട്ട് പൊതുജനങ്ങള് ഉന്നയിക്കുന്ന പരാതികള്ക്ക് എത്രയും വേഗം പരിഹാരം കാണുകയാണ് ലക്ഷ്യമെന്നും ജില്ലയിലെ എല്ലാ പഞ്ചായത്തുകളിലും അദാലത്ത് നടത്തുമെന്നും ജില്ലാ കളക്ടര് പറഞ്ഞു. മൂന്ന് പഞ്ചായത്തുകളിലെ അദാലത്തുകളാണ് ഇതിനോടകം പൂര്ത്തിയായത്.
Leave a Reply