വേദനിക്കുന്നവരെ കരുതലോടെ ചേർത്ത് നിർത്താൻ സമൂഹത്തിനാവണം. ടി. സിദ്ധിഖ് എം.എൽ.എ.
കല്പ്പറ്റ : കല്പ്പറ്റ ചാരിറ്റബിള് സൊസൈറ്റിയുടെ ജീവകാരുണ്യ സേവന പരിപാടിയായ സ്പര്ശ് ഓട്ടിസം ബാധിതര്ക്കുള്ള പെന്ഷന് പദ്ധതിയാണ്. 4 വര്ഷമായി പദ്ധതിയില് പേര് റജിസ്റ്റര് ചെയ്ത 86 പേര്ക്ക് മാസം തോറും ആയിരം രൂപ വീതം മണിയോര്ഡര് മുഖേന പെന്ഷന് വിതരണം ചെയ്തുവരുന്നുണ്ട്. കൂടാതെ ഭക്ഷ്യകിറ്റുകളും മരുന്നുകളും മറ്റ് സഹായങ്ങളും പദ്ധതിയില് ഉള്പ്പെട്ടവര്ക്ക് ഉറപ്പാക്കുന്നുണ്ട്. വര്ഷം തോറും ഗുണഭോക്താക്കളുടെ കൂടിചേരലും കുടുംബങ്ങളുടെ സ്നേഹ സംഗമവും നടന്നുവരുന്നു. സ്പര്ശ് നാലാം വര്ഷികവും സ്നേഹ സംഗമവും അഡ്വ ടി സിദ്ധീഖ് എം.എല്.എ ഉദ്ഘാടനം ചെയ്തു. സ്വാഗത സംഘം ചെയർമാൻ അഡ്വ.പി.ചാത്തുകുട്ടി അധ്യക്ഷത വഹിച്ചു. സെക്രട്ടറി കെ.പി. ബഷീർ റിപ്പോർട്ട് അവതരിപ്പിച്ചു. കല്പ്പറ്റ നഗരസഭാ ചെയര്മാന് പി വിനോദ് കുമാര് മുഖ്യ പ്രഭാഷണം നടത്തി. ഹിപ്നോട്ടിക് മൈന്ഡ് കൗണ്സിലര് ഷെഫീക്ക് എളേറ്റില്, കെ. സദാനന്ദൻ, റസാഖ് കൽപ്പറ്റ, പി.പി. അബ്ദുൽ ഖാദർ, പി.പി. ആലി, സലീം കാളങ്ങാടൻ, ജുനൈദ് കൈപ്പാണി, ഹാരിസ് പീസ് വില്ലേജ് പ്രസംഗിച്ചു.കൽപ്പറ്റ ചാരിറ്റബിൾ സൊസൈറ്റി പ്രസിഡൻറ് സൂപ്പി കല്ലങ്കോടൻ സ്വാഗതവും സ്പർശ് കൺവീനർ ജുനീഷ് മജീദ് നന്ദിയും പറഞ്ഞു.കല്പ്പറ്റ നഗരസഭയിലെ കൈനാട്ടി സര്ക്കാര് ആശുപത്രിയില് 14 വര്ഷമായി മുടങ്ങാതെ കഞ്ഞി വിതരണവും ആഘോഷ-വിശേഷ ദിവസങ്ങളില് വീട്ടില് പോകാനാവാതെ ആശുപത്രികളില് കഴിയുന്ന രോഗികള്ക്കും കൂട്ടിരിപ്പുകാര്ക്കും വിഭവസമൃതമായ ഭക്ഷണം വിതരണവും നല്കി വരുന്നു. സാമ്പത്തികം ഇല്ലാത്തതിന്റെ പേരില് വിവാഹം സ്വപ്നം കണ്ട് വീട്ടില് കഴിയുന്ന പെണ്കുട്ടികള്ക്ക് മാംഗല്യം പദ്ധതിയിലൂടെ വിവാഹം ഏറ്റെടുത്ത് നടപ്പാക്കി കൊടുക്കുന്നു. അവരവരുടെ വീട്ടിലെത്തി വിവാഹത്തിനാവശ്യമായ ചെലവുകളും വഹിക്കുന്നുണ്ട്.ആംബുലന്സ് സേവനവും ആരോഗ്യ ഉപകരണങ്ങളുടെ വിതരണം നടത്തുന്നു. കുട്ടികള്ക്ക് സൗജന്യമായി നീന്തല് പരിശീലനം നല്കുന്നു. മികച്ച രീതിയിലുള്ള പാലിയേറ്റീവ്/ഹോം കെയര് സംവിധാനവും കല്പ്പറ്റ നഗരസഭക്കൊപ്പം ചേര്ന്ന് ശുചീകരണ പ്രവര്ത്തനങ്ങളില് പങ്കാളിയാവുന്നു. രോഗി ബന്ധു സംഗമവും വയോജന സംഗമവും തെരുവോരങ്ങളില് അന്തിയുറങ്ങുന്നവര്ക്ക് പുതപ്പു വിതരണവും വര്ഷം തോറും സംഘടിപ്പിക്കുന്നു.അടിക്കടി ഉണ്ടാവുന്ന ദുരന്ത മുഖങ്ങളില് പ്രളയം, കോവിഡ്, ഉരുള് ദുരന്തങ്ങള് എന്നി ഘട്ടങ്ങളില് നിസ്വാര്ത്ഥമായ പ്രവര്ത്തനങ്ങള്ക്ക് പ്രത്യേക പരിശീലനം നേടിയ ടീം നിലവിലുണ്ട്.
സിവില് ഡിഫന്സ്/ആപ്താ മിത്ര വോളണ്ടിയര്മാര്,ആരോഗ്യവകുപ്പിന്റെ പരിശീലനം കിട്ടിയ പാലിയേറ്റീവ് വളണ്ടിയര്മാരും സൊസൈറ്റിക്ക് സ്വന്തമായുണ്ട്.
Leave a Reply