വൈദ്യുതാഘാതമേറ്റ് പശു ചത്തു

By ന്യൂസ് വയനാട് ബ്യൂറോ

പുതുശ്ശേരിക്കടവ്: പുഴക്കൽ പീടികയിൽ പശു ഷോക്കേറ്റ് ചത്തു. വെട്ടശ്ശേരി റീനയുടെ ഉടമസ്ഥതയിലുള്ള പശുവാണ് ചത്തത്.ഇന്ന്  രാവിലെ പത്തരയോടെയുണ്ടായ അപകടത്തിലാണ് 12 ലിറ്റർ കറവയുള്ള പശു ചത്തത് .

പ്രദേശത്തെ ഒരു കടയുടെ പിൻവശത്ത് നിൽക്കുമ്പോഴായിരുന്നു പശുവിന് ഷോക്കേറ്റത്. അപകടവിവരമറിഞ്ഞ് കുന്നുമ്മലങ്ങാടി ക്ഷീര സംഘം ഭരണസമിതി അംഗങ്ങളും പോലീസും കെ.എസ്.ഇ.ബി അധികൃതരും സ്ഥലത്തെത്തി തുടർനടപടികൾ സ്വീകരിച്ചു. റീനയുടെ പ്രധാന വരുമാനമാർഗ്ഗമായിരുന്നു ഈ കറവപ്പശു. പുഴക്കൽ പീടിക ഭാഗത്തെ നിരവധി താൽക്കാലിക കടകളിൽ വൈദ്യുതി വൽക്കരണത്തിൽ അധികൃതർ അപാകതകൾ കണ്ടത്തി. നിലവിലെ വൈദ്യുതി കണക്ഷനിൽ നിന്നും വയറുകൾ വലിച്ച് പുതിയ കണക്ഷനുകൾ സ്ഥാപിച്ചിട്ടുണ്ട്. ഇവർക്കെതിരെ നടപടിയും നോട്ടീസും നൽകിയതായി പടിഞ്ഞാറത്തറ കെ.എസ്. ഇ. ബി അധികൃതർ പറഞ്ഞു.