പൂഴിത്തോട്-പടിഞ്ഞാറത്തറ പാത: വനാനുമതി ലഭ്യമാക്കുമെന്ന് മന്ത്രി ഷിബു ബേബി ജോൺ

By ന്യൂസ് വയനാട് ബ്യൂറോ

പടിഞ്ഞാറത്തറ: പൂഴിത്തോട് – പടിഞ്ഞാറത്തറ പാത നിർമ്മാണവുമായി ബന്ധപ്പെട്ട് വകുപ്പുതല തീരുമാനങ്ങൾ ഉണ്ടാകുന്ന മുറയ്ക്ക്, ആവശ്യമായ ഘട്ടങ്ങളിൽ വനാനുമതി ലഭ്യമാക്കുമെന്ന് മന്ത്രി ഷിബു ബേബി ജോൺ ഉറപ്പു നൽകി. ബത്തേരി ഗസ്റ്റ് ഹൗസിൽ വച്ച് അദ്ദേഹത്തെ സന്ദർശിച്ച ജനകീയ കർമ്മ സമിതി ഭാരവാഹികൾക്കാണ് മന്ത്രി ഈ ഉറപ്പ് നൽകിയത്. ജനകീയ കർമ്മ സമിതി ചെയർപേഴ്സൺ ശകുന്തള ടീച്ചർ, അംഗങ്ങളായ സി. കെ. ആലിക്കുട്ടി, ഉലഹന്നാൻ പട്ടർമഠം, യു. സി. ഹുസൈൻ, പി. എ. ജോമോൻ എന്നിവരാണ് മന്ത്രിയെ കണ്ടത്. ഐ. സി. ബാലകൃഷ്ണൻ എം.എൽ.എയും കൂടിക്കാഴ്ചയിൽ സന്നിഹിതനായിരുന്നു.