യുവതിയെ ആണ്സുഹൃത്ത് കുത്തിക്കൊന്നു; മൂത്ത കുട്ടിക്കു വെട്ടേറ്റു, ഇളയ കുട്ടിയെ കാണാനില്ല
മാനന്തവാടി: മാനന്തവാടിയില് യുവതിയെ ആണ്സുഹൃത്ത് കുത്തിക്കൊന്നു. എടയൂര്ക്കുന്ന് സ്വദേശി പ്രവീണ(34)യാണ് കൊല്ലപ്പെട്ടത്. ഇവര് വാകേരി അപ്പപ്പാറയില് വാടകക്ക് താമസിക്കുകയായിരുന്നു. കൊലപാതകത്തിനു ശേഷം പങ്കാളിയായ ഗിരീഷ് സ്ഥലത്തുനിന്നു രക്ഷപ്പെട്ടു. ഇയാള്ക്കു വേണ്ടി പൊലീസ് അന്വേഷണം ഊര്ജിതമാക്കി.ആക്രമണത്തില് പ്രവീണയുടെ 14 വയസ്സുള്ള പെണ്കുട്ടിയുടെ ചെവിക്കും കഴുത്തിനും വെട്ടേറ്റു. ഇതിനിടെ, ഒന്പതു വയസ്സുള്ള പെണ്കുട്ടിയെ കാണാനില്ല. ഈ കുട്ടിക്കായി പ്രദേശത്ത് നാട്ടുകാര് തിരച്ചില് നടത്തുകയാണ്. കനത്ത മഴ ആയതിനാല് പ്രതിക്കും കാണാതായ കുട്ടിക്കും വേണ്ടിയുള്ള തിരച്ചില് ദുഷ്കരമാണ്.
ആദ്യ വിവാഹബന്ധം വേര്പ്പെടുത്തിയ പ്രവീണ, ഗിരീഷിനൊപ്പമാണ് താമസിച്ചിരുന്നത്. അടുത്തിടെ ഇരുവരും തമ്മില് പ്രശ്നങ്ങളുണ്ടായിരുന്നു. ബന്ധം ഒഴിയാന് പ്രവീണ താല്പര്യം പ്രകടിപ്പിച്ചതാണ് കൊലപാതകത്തിലേക്ക് നയിച്ചതെന്ന് ?പറയുന്നു. പരുക്കേറ്റ 14 വയസ്സുകാരി മാനന്തവാടിയിലെ സര്ക്കാര് ആശുപത്രിയില് ചികിത്സയിലാണ്.
Leave a Reply