മാനന്തവാടി ഉപജില്ല സ്കൂൾ കലോത്സവം തിങ്കളാഴ്ച തുടങ്ങും

By ന്യൂസ് വയനാട് ബ്യൂറോ

മാനന്തവാടി :മാനന്തവാടി ഉപജില്ല സ്കൂൾ കലോത്സവം തൊണ്ടർനാട് എംടിഎം ഹയർസെക്കൻഡറി സ്കൂളിൽ തിങ്കളാഴ്ച മുതൽ ആരംഭിക്കും.108 സ്കൂളിൽ നിന്ന് 8000ത്തിലധികം മത്സരാർത്ഥികൾ പങ്കെടുക്കുന്ന സ്കൂൾ ഉപജില്ലാ കലോത്സവത്തിൻ്റെ എല്ലാ ഒരുക്കങ്ങളും പൂർത്തിയായതായി സംഘാടക സമിതി ഭാരവാഹികൾ പത്രസമ്മേളനത്തിൽ അറിയിച്ചു.12 വേദികളിൽ നവംബർ 3 മുതൽ 7 വരെയുള്ള അഞ്ചു ദിവസങ്ങളിലാണ് രാവും പകലും മത്സരങ്ങൾ നടക്കുക.ഈ വർഷത്തെ സ്കൂൾ ഉപജില്ലാ കലോത്സവത്തിന് എല്ലാ ഗ്രാമീണ ഭംഗിയും പിന്തുണയും പ്രദേശത്തെ ജനങ്ങൾ അറിയിച്ച്പ്രവർത്തന പാതയിലാണ്.13 സബ് കമ്മിറ്റികൾ രൂപീകരിച്ച് വിപുലമായ സ്വാഗതസംഘം കമ്മിറ്റിയാണ് പ്രവർത്തനങ്ങൾക്ക് നേതൃത്വം നൽകുന്നത്.നവംബർ നവംബർ 3 തിങ്കളാഴ്ച വൈകുന്നേരം 4 മണിക്ക് മന്ത്രി ഒ ആർ കേളു കലോത്സവത്തിന്റെ ഔദ്യോഗിക ഉദ്ഘാടനം നിർവഹിക്കും.കലോത്സവത്തിന് മുന്നോടിയായി സംസ്കാരിക ഘോഷയാത്രയോടെയാണ്. പരിപാടികൾക്ക് തുടക്കം കുറിക്കുക. പത്ര സമ്മേളനത്തിൽ മജ്ഞു .ടി, കോളോത്ത് അബ്ദുള്ള, ടി.മൊയ്തു, ബിജു .പി.ടി.കെ, സുബൈർ ഗദ്ദാഫി, സജിമോൻ സ്കറിയ, സുധീഷ് കുമാർ പങ്കെടുത്തു