‘ഓപ്പറേഷൻ തണ്ടർ: ചാരായം വാറ്റാനായി പാകപ്പെടുത്തിയ 210 ലിറ്റർ വാഷ് പിടികൂടി

By ന്യൂസ് വയനാട് ബ്യൂറോ

നൂൽപ്പുഴ: മൂക്കുത്തികുന്നു ഭാഗത്ത്‌ വയനാട് എക്സൈസ് ഇന്റലിജിൻസും, സുൽത്താൻ ബത്തേരി എക്സൈസ് സർക്കിൾ പാർട്ടിയും സംയുക്തമായി നടത്തിയ പരിശോധനയിൽ മൂക്കുത്തിക്കുന്ന്‌ പാലത്തിന്റെ ഉയരത്തിലുള്ള ഗർഡറുകൾക്കിടയിൽ രഹസ്യമായി സൂക്ഷിച്ചുവെച്ച 210 ലിറ്റർ വാഷ് പിടികൂടി. ലഹരി വ്യാപനം തടയുക എന്ന ലക്ഷ്യത്തോടെ എക്സൈസ് വകുപ്പിന്റെ ‘ഓപ്പറേഷൻ തണ്ടറിന്റെ ‘ ഭാഗമായാണ് പരിശോധന നടത്തിയത്. വാഷ് സൂക്ഷിച്ചുവെച്ച ആളെക്കുറിച്ചുള്ള അന്വേഷണം നടന്നുവരുന്നതായി എക്സൈസ് അറിയിച്ചു.

വയനാട് എക്സൈസ് ഇന്റലിജൻസ് ഇൻസ്പെക്ടർ രാജേഷ് കോമത്തിന്റെ ന്റെ നേതൃത്വത്തിൽ ഉള്ള പരിശോധന സംഘത്തിൽ എക്സൈസ് ഇൻസ്പെക്ടർ സുമേഷ്.പി. എസ്, അസിസ്റ്റന്റ് എക്സൈസ് ഇൻസ്പെക്ടർ (Gr) മാരായ സൈമൺ.കെ. എം, ഹരിദാസ് സി.വി, സുരേഷ് വെങ്ങാലിക്കുന്നേൽ, പ്രിവന്റിവ് ഓഫീസർമാരായ കൃഷ്ണൻകുട്ടി. പി, പ്രകാശൻ.കെ.വി, അനീഷ്. എ. എസ്, വിനോദ് പി. ആർ, സിവിൽ എക്സൈസ് ഓഫീസർ റാഷിദ്‌ പ്രിവന്റീവ് ഓഫീസർ ഡ്രൈവർ അബ്ദുൽ റഹീം എം. വി എന്നിവരും ഉണ്ടായിരുന്നു.