പുണ്യത്തിന്റെയും ആരോഗ്യപരിപാലനത്തിന്റെയും നാളുകള്ക്ക് തുടക്കം; ഇന്ന് കര്ക്കിടകം ഒന്ന്
കൽപ്പറ്റ: ഇന്ന് കര്ക്കിടകം ഒന്ന്. ക്ഷേത്രങ്ങളും വീടുകളും ഇന്ന് മുതല് അടുത്ത ഒരു മാസക്കാലം രാമ നാമങ്ങളാല് മുഖരിതമാകുന്നതോടെ രാമായണ മാസത്തിന് തുടക്കമാവുകയാണ്. തോരാ മഴ പെയ്യുന്ന കര്ക്കടകം കൃഷി ഉപജീവനമായിരുന്ന മലയാളിക്ക് കള്ള കര്ക്കടകവും പഞ്ഞ കര്ക്കടകവുമാണ്. ദുരിതവും ആരോഗ്യ പ്രശ്നങ്ങളും നേരിടുന്ന കര്ക്കടകത്തിന്റെ കാഠിന്യം രാമായണ പാരായണത്തിലൂടെ മറികടക്കാന് കഴിയുമെന്നാണ് വിശ്വാസം. സൂര്യന് കര്ക്കടക രാശിയിലൂടെ സഞ്ചരിക്കുന്ന ഈ സമയത്ത് വീടും പരിസരവും വൃത്തിയാക്കി നിലവിളക്ക് തെളിയിച്ച്, ദശപുഷ്പം ചൂടി രാമായണ പാരായണം നടത്തുമെന്നതാണ് ഈ മാസത്തിന്റെ മറ്റൊരു പ്രത്യേകത. കൂടാതെ, ആരോഗ്യ പരിചരണത്തിനും കര്ക്കടക മാസത്തിലാണ് തുടക്കം കുറിക്കുന്നത്. ആയുര്വേദ ചികിത്സക്കും ഔഷധ കഞ്ഞി കുടിച്ചുള്ള ആരോഗ്യ സംരക്ഷണത്തിനും കര്ക്കടക മാസം തന്നെയാണ് ഉത്തമം.
Leave a Reply