സിദ്ധ ദിനാചരണത്തിനു തുടക്കമായി

മാനന്തവാടി :അഞ്ചാമത് സിദ്ധ ദിനാചരണത്തിന് തുടക്കം കുറിച്ച് കൊണ്ട് വയനാട് ആയുഷ് ട്രൈബൽ മെഡിക്കൽ യൂണിറ്റിന്റെ നേതൃത്വത്തിൽ മാനന്തവാടി ബേഗൂർ കാട്ടു നായിക്ക കോളനിയിൽ വച്ച് അഞ്ചാം സിദ്ധ ദിനത്തിന്റെ പ്രമേയമായ 'പകർച്ച വ്യാധി പ്രതിരോധത്തിൽ സിദ്ധ വൈദ്യത്തിന്റെ പ്രസക്തി ' എന്ന വിഷയത്തെക്കുറിച്ച് ഡോ അരുൺ ബേബി ക്ലാസ്സുകളെടുത്തു. സിദ്ധ മെഡിക്കൽ ക്യാമ്പും നടത്തപ്പെട്ടു. കോളനിയിലെ കുട്ടികൾക്കായി സാമൂഹിക പഠന മുറിയിൽ വച്ച് ചിത്ര രചനാ മത്സരവും നടത്തപ്പെട്ടു. അംഗൻ വാടി ടീച്ചർ സുലോചന, എലിസബത്ത്, ഷിബു, സുർജിത് എന്നിവർ നേതൃത്വം നൽകി.