വൈത്തിരി പഞ്ചായത്ത് ബില്‍ഡിംഗ് തകര്‍ന്നതുമായി ബന്ധപ്പെട്ട് സമഗ്രമായ അന്വേഷണം വേണം: യൂത്ത്‌ലീഗ്
കല്‍പ്പറ്റ: വൈത്തിരി പഞ്ചായത്ത് ബില്‍ഡിംഗ് തകര്‍ന്നതുമായി ബന്ധപ്പെട്ട് സമഗ്രമായ അന്വേഷണം വേണമെന്ന് യൂത്ത്‌ലീഗ് കല്‍പ്പറ്റ നിയോജക മണ്ഡലം കമ്മിറ്റി ആവശ്യപ്പെട്ടു. പതിറ്റാണ്ടുകള്‍ പഴക്കമുള്ള ബില്‍ഡിംഗുകള്‍ ഈ കെട്ടിടത്തിനടുത്തുണ്ട്. അവക്ക് യാതൊരു കേടുപാടുകളും സംഭവിച്ചിട്ടില്ല. ഈ ബില്‍ഡിംഗ് ഭൂമിയിലേക്ക് താഴ്ന്നു എന്നുപറയുന്നതിന്റെ നിജസ്ഥിതി കണ്ടെത്താന്‍ ആവശ്യമായ അടിയന്തിര നടപടി അധികൃതര്‍ സ്വീകരിക്കണം. യു.എന്‍ ഉദ്യോഗസ്ഥന്‍ പോലും ഈ കാര്യത്തില്‍ സംശയം പ്രകടിപ്പിച്ചിട്ടുണ്ട്. പഞ്ചായത്ത് കെട്ടിടനിര്‍മാണത്തില്‍ ഉപയോഗിച്ച മെറ്റീരിയലുകളെ കുറിച്ചും പഠനം നടത്താന്‍ തയ്യാറാവണം. ഈ ബില്‍ഡിംഗ് നിര്‍മാണവുമായി ബന്ധപ്പെട്ട് സ്വകാര്യ വ്യക്തിയുടെ സ്ഥലം കൈയേറി എന്ന കേസ് നിലവിലുണ്ട്. പ്രസിഡന്റ് കെയംതൊടി മുജീബ് അദ്ധ്യക്ഷത വഹിച്ചു. സി.ഇ ഹാരിസ്, കെ.കെ മുഹമ്മദലി, നാസര്‍ ടി.എസ്, എ. കെ സൈതലവി, ജൗഹര്‍ പുതിയാണ്ടി, സി ഷിഹാബ് സംസാരിച്ചു.
Leave a Reply