നാടിന്റെ രോദനമായി അശ്വിൻ ജോസിന് യാത്രാമൊഴി: അന്ത്യാഞ്ജലി അർപ്പിക്കാൻ ആയിരങ്ങൾ

മാനന്തവാടി: ഏവർക്കും പ്രിയങ്കരനായിരുന്ന എഞ്ചിനീയറിംഗ് വിദ്യാർത്ഥി അശ്വിൻ ജോസിന്  നാട് കണ്ണീരോടെ വിട നൽകി.കല്ലോടിയിൽ അശ്വിന്റെ കുടുംബം പുതിയതായി പണി കഴിപ്പിച്ച വീട്ടിൽ താമസത്തിന് കാത്ത് നിൽക്കാതെ യാത്രയായ  അശ്വിൻ ജോസിന് അന്ത്യാഞ്ജലി അർപ്പിക്കാൻ ആയിരങ്ങളാണ് തിങ്കളാഴ്ച മുതൽ കല്ലോടിയിൽ എത്തിയത്. അശ്വിൻ ജോസ് കല്ലോടി സ്കൂളിലെയും ഇപ്പോൾ പഠിച്ചു കൊണ്ടിരിക്കുന്ന എഞ്ചിനീയറിംഗ് കോളേജിലെയും  വിദ്യാർത്ഥികളും  കൂട്ടുകാരും നാട്ടുകാരും മൃതദേഹം സംസ്കരിക്കാനെടുത്തപ്പോൾ വിങ്ങിപ്പൊട്ടി. അത്രക്ക് പ്രിയങ്കരനായിരുന്നു അശ്വിൻ ജോസ് അവർക്ക് .