കൊറോണ: വയനാട്ടിൽ പ്രത്യേക ടീമിനെ നിയോഗിച്ചു
സംസ്ഥാനത്ത് കൊറോണ വൈറസ് ബാധ സ്ഥിരീകരിച്ച സാഹചര്യത്തില് ജില്ലയില് പ്രതിരോധ നടപടികളും മുന്കരുതലുകളും ഉറപ്പാക്കാന് സ്പെഷ്യല് ടീമിനെ നിയോഗിച്ച് ജില്ലാ കളക്ടര് ഉത്തരവിറക്കി. ദുരന്ത നിവാരണ നിയമ പ്രകാരമാണ് ടീമിനെ നിയമിച്ചത്. സര്വ്വെയിലന്സ്, ബോധവത്കരണം, അടിസ്ഥാന സൗകര്യം, വിദഗ്ദ പഠനം, ഗതാഗത സൗകര്യം, വകുപ്പ് തല കോര്ഡിനേഷന്, മനശ്ശാസ്ത്രം തുടങ്ങിയ 15 വിഭാഗങ്ങളിലാണ് ടീമിനെ നിയോഗിച്ചിരിക്കുന്നത്. എല്ലാ ദിവസവും വൈകീട്ട് കളക്ട്രേറ്റില് പ്രത്യേക യോഗം ചേര്ന്ന് സാഹചര്യങ്ങള് വിലയിരുത്തും. ആവശ്യമെങ്കില് താലൂക്ക് തലത്തിലും പ്രത്യേകം ടീമിനെ നിയോഗിക്കുമെന്ന് ജില്ലാ കളക്ടര് അറിയിച്ചു.
Leave a Reply