കന്നുകാലി പ്രദര്ശനം നടത്തി
മീനങ്ങാടി: ജില്ലാ ക്ഷീരകര്ഷക സംഗമത്തോടനുബന്ധിച്ച് മീനങ്ങാടി ക്ഷീരസംഘത്തിന്റെ ആഭിമുഖ്യത്തില് കന്നുകാലി പ്രദര്ശനം നടത്തി. ചൂതുപാറ എസ്.കെ കവലയില് നടന്ന കന്നുകാലി പ്രദര്ശനം ഗ്രാമ പഞ്ചായത്ത് മെമ്പര് പി.എസ് ജനീവ് ഉദ്ഘാടനം ചെയ്തു. കറവപ്പശു ഇനത്തില് 52 പശുക്കളും കിടാരികളുടെ ഇനത്തില് 34 കിടാരികളും കന്നുകുട്ടികളുടെ വിഭാഗത്തില് 20 കന്നുകുട്ടികളും പ്രദര്ശനത്തില് പങ്കെടുത്തു. പ്രദര്ശനത്തിന്റെ ഭാഗമായി വിവിധ ഇനങ്ങളിലുള്ള മികച്ച കന്നുകാലികളുടെ ഉടമകള്ക്ക് ക്യാഷ് അവാര്ഡ്, കാലിത്തീറ്റ, പ്രോത്സാഹന സമ്മാനങ്ങള് എന്നിവ വിതരണം ചെയ്തു. ക്ഷീര വികസന വകുപ്പ് ഡെപ്യൂട്ടി ഡയറക്ടര് കെ. ഉഷാദേവി, മീനങ്ങാടി ക്ഷീര സംഘം പ്രസിഡണ്ട് പി.പി ജയന്, സെക്രട്ടറി കെ.ബി മാത്യു , ജില്ലാ ക്വാളിറ്റി കണ്ട്രോള് ഓഫീസര് പി.എച്ച് സിനാജുദ്ദീന് തുടങ്ങിയവര് നേതൃത്വം നല്കി.
Leave a Reply