ഇലക്ട്രോണിക് വോട്ടിംഗ് മെഷീനുകളിൽ കൃത്രിമത്വം കാണിക്കാനായി രാജ്യത്ത് ലോക്ഡൗൺ പ്രഖ്യാപിക്കുമെന്ന് സാമൂഹ്യ മാധ്യമങ്ങളിൽ വ്യാജ പ്രചാരണം: മലപ്പുറം സ്വദേശിയെ പോലീസ് അറസ്റ്റ് ചെയ്തു
തിരുവനന്തപുരം: ഇലക്ട്രോണിക് വോട്ടിംഗ് മെഷീനുകളില് കൃത്രിമത്വം കാണിക്കുന്നതിനായി രാജ്യത്ത് മൂന്നാഴ്ചത്തേയ്ക്ക് സമ്പൂര്ണ ലോക്ഡൗണ് പ്രഖ്യാപിക്കുമെന്ന് സാമൂഹ്യ മാധ്യമങ്ങളിലൂടെ വ്യാജ പ്രചാരണം നടത്തിയ വ്യക്തിയെ പോലീസ് അറസ്റ്റ് ചെയ്തു. മലപ്പുറം സ്വദേശി എം.വി ഷറഫുദ്ദീന് ആണ് പിടിയിലായത്.
കോവിഡിനെത്തുടര്ന്നുണ്ടായ ലോക്ഡൗണ് സമയത്തെ ഒരു വാര്ത്തയുടെ സ്ക്രീന്ഷോട്ടാണ് ഇയാള് ഇതിനായി സാമൂഹ്യ മാധ്യമങ്ങളില് പ്രചരിപ്പിച്ചത്. കൊച്ചി സൈബര് ഡോം നടത്തിയ സോഷ്യല് മീഡിയ പട്രോളിങിലാണ് ഇതു കണ്ടെത്തിയത്.
ലോക്സഭാ തെരഞ്ഞെടുപ്പ് പ്രമാണിച്ച് സാമൂഹ്യ മാധ്യമങ്ങളില് തെറ്റായ വാര്ത്തകള് പോസ്റ്റ് ചെയ്യുന്നവരെയും പ്രചരിപ്പിക്കുന്നവരെയും കണ്ടെത്താനായി സൈബര് ഡിവിഷന്റെ നേതൃത്വത്തില് സൈബര് പോലീസ് ആസ്ഥാനത്തും എല്ലാ റേഞ്ചുകളിലും എല്ലാ പോലീസ് ജില്ലകളിലും സാമൂഹ്യ മാധ്യമ നിരീക്ഷണ സെല്ലുകള്ക്ക് രൂപം നല്കിയിട്ടുണ്ട്.
Leave a Reply