നിറച്ചാർത്ത് സമ്മർ ക്യാമ്പിന് തുടക്കമായി

By ന്യൂസ് വയനാട് ബ്യൂറോ

മാനന്തവാടി: സമഗ്ര ശിക്ഷാ കേരളം ആസ്പിറേഷൻ പദ്ധതിയുമായി ബന്ധപ്പെട്ട മാനന്തവാടി ബി ആർ സി യുടെ പരിധിയിലെ 5 സ്പെഷ്യൽ ട്രെയിനിങ് സെൻററുകളിൽ എട്ടു ദിവസം നീണ്ടുനിൽക്കുന്ന സമ്മർ ക്യാമ്പിന് തുടക്കമായി. കായിക പരിശീലനം ചിത്രകല വർക്ക് എക്സ്പീരിയൻസ് ലഘു പരീക്ഷണങ്ങൾ ആരോഗ്യ കാര്യങ്ങൾ എന്നിവയുമായി ബന്ധപ്പെട്ട പരിശീലനമാണ് നടക്കുന്നത് ക്യാമ്പിന്റെ ഭാഗമായി കുട്ടികൾക്ക് പഠനോപകരണങ്ങളും കളി ഉപകരണങ്ങളും വിതരണം ചെയ്തു.

മാനന്തവാടി മുനിസിപ്പാലിറ്റി കൗൺസിലർ ഷീജ മോബിൻ അധ്യക്ഷയായ യോഗം മാനന്തവാടി നഗരസഭ ചെയർ പേഴ്സൺ സി കെ രത്നവല്ലി ഉദ്ഘാടനം ചെയ്തു. എസ് എസ് കെ പ്രോജക്ട് കോഡിനേറ്റർ അനിൽകുമാർ പ്രോഗ്രാം ഓഫീസർ രാജേഷ് മാനന്തവാടി ബ്ലോക്ക് ഓഫീസർ കെ കെ സുരേഷ് .എൽപിഎസ് കണിയാരം പ്രധാനാധ്യാപിക ബീന ട്രെയിനർ മുജീബ് റഹ്മാൻ എന്നിവർ സംസാരിച്ചു.