തൊഴിലുറപ്പ് പദ്ധതി: ഹാജരൊപ്പിക്കാൻ കഷ്ടപ്പാട്

By ന്യൂസ് വയനാട് ബ്യൂറോ

കൽപ്പറ്റ: തൊഴിലുറപ്പ് പദ്ധതിയിൽ ജോലി ചെയ്യുന്നവരുടെ ഹാജർ രേഖപ്പെടുത്താനും ഫോട്ടോയെടുക്കാനും തൊഴിൽ ആരംഭിച്ച സ്ഥ‌ലത്ത് എത്തണമെന്ന നിബന്ധന തൊഴിലാളികളെ ബുദ്ധിമുട്ടിലാക്കുന്നു. രാവിലെ ജോലിക്കിറങ്ങുന്നതിന് മുൻപും വൈകുന്നേരം ജോലി കഴിഞ്ഞും കിലോമീറ്ററുകൾ നടക്കേണ്ട അവസ്‌ഥയാണ്. പൊരിവെയിലത്താണ് ഈ യാത്രയെന്നത് ശ്രദ്ധേയം. തോടുകളിലും മറ്റുമുള്ള പ്രവൃത്തികൾ കിലോമീറ്ററുകളോളം നീളും. തൊഴിലാളികൾ എന്നും ജോലിയാരംഭിച്ച സ്‌ഥലത്തുതന്നെ റിപ്പോർട്ട് ചെയ്യണം. ഇവിടെ നിന്ന് ഫോട്ടോയെടുത്ത് അപ്പ്ലോഡ് ചെയ്യണമെന്നാണ് സർക്കാർ നിബന്ധന. വേനൽ ചൂടിന്റെ കഠിന്യം വർധിച്ചപ്പോൾ ഇതൊരു ശിക്ഷയായെന്നു തൊഴിലാളികൾ പറയുന്നു.