ഇന്ന് നിശബ്ദ പ്രചാരണം 

By ന്യൂസ് വയനാട് ബ്യൂറോ

കല്പറ്റ :നാളെ നടക്കുന്ന ഉപതെരഞ്ഞെടുപ്പിന് മുന്നോടിയായി വയനാട്ടിൽ ഇന്ന് നിശ്ശബ്ദ പ്രചാരണത്തിൻ്റെ അന്തരീക്ഷത്തിലേക്ക് കടന്നുവച്ചു. പ്രചാരണം അവസാനിക്കുമ്പോൾ സ്ഥാനാർഥികൾ പരമാവധി വോട്ടർമാരെ നേരിൽ കണ്ടുമുട്ടി പിന്തുണ ഉറപ്പാക്കാനുള്ള ശ്രമത്തിലാണ്.

ബൂത്ത് തലത്തിലുള്ള സ്‌ക്വാഡ് പ്രവർത്തനങ്ങൾ ഇന്നും തുടരുമെന്ന് അധികൃതർ അറിയിച്ചു. സ്ഥാനാർഥികളുടെ പ്രധാന പരിപാടിയായി പൗരപ്രമുഖരുമായി കൂടിക്കാഴ്ചകൾ തുടരുകയും ചെയ്തു.

വോട്ടെടുപ്പ് സാമഗ്രികളുടെ വിതരണം രാവിലെ 8 മുതൽ വിവിധ കേന്ദ്രങ്ങളിൽ ആരംഭിച്ച് ഉച്ചയോടെ പൂർത്തിയാകും. വിജയ പ്രതീക്ഷകളിൽ മുന്നണികൾ ആത്മവിശ്വാസം നിലനിർത്തുകയാണ്.