ലോക ക്യാൻസർ ദിനാചരണം ജില്ലാതല ഉദ്ഘാടനം നാളെ

By ന്യൂസ് വയനാട് ബ്യൂറോ

കൽപ്പറ്റ :ആരോഗ്യ വകുപ്പിന്റെ നേതൃത്വത്തിൽ ലോക ക്യാൻസർ ദിനാചരണവും ക്യാൻസർ സ്ക്രീനിംഗ് ക്യാമ്പന്റെയും ജില്ലാതല ഉദ്ഘാടനം നാളെ (ഫെബ്രുവരി 4) നല്ലൂർനാട് ജില്ലാ ക്യാൻസർ സെന്ററിൽ ജില്ലാ പഞ്ചായത്ത് പ്രസിഡന്റ് സംഷാദ് മരക്കാർ നിർവഹിക്കും . സ്ത്രീകളിലെ സ്തനാർബുദം, ഗർഭാശഗള അർബുദം എന്നിവയെ കുറിച്ചുള്ള അവബോധം ശക്തമാക്കുക, പരമാവധി സ്ത്രീകളെ പരിശോധനയ്ക്ക് വിധേയരാക്കുക,രോഗം ലക്ഷണങ്ങൾ തുടക്കത്തിലെ കണ്ടെത്തി ചികിത്സിക്കുക എന്നിവയാണ് ക്യാമ്പയിൻ ലക്ഷ്യം വെക്കുന്നത്.
മാനന്തവാടി ബ്ലോക്ക് പഞ്ചായത്ത് പ്രസിഡന്റ് ജസ്റ്റിൻ ബേബി ചടങ്ങിന് അദ്ധ്യക്ഷത വഹിക്കും. സ്വാ​ഗതം ട്രൈബൽ സ്പെഷ്യാലിറ്റി ആശുപത്രി സുപ്രണ്ട് ‍ ‍ഡോ. ടി.ഹരിപ്രസാദ് നടത്തും. ജില്ലാ മെഡിക്കൽ ഓഫീസർ ഡോ. പി ദിനീഷ് മുഖ്യപ്രഭാഷണനും, ജില്ലാ പ്രോ​ഗ്രാം മാനേജർ ഡോ. സമീഹ സൈതാലവി ലോക കാൻസർ ദിനസന്ദേശം നൽകും. എടവക ​ഗ്രാമപഞ്ചായത്ത് പ്രസിഡന്റ് അഹമ്മദ് കുട്ടി ബ്രാൻ സദസ്സിന് പ്രതിജ്ഞ ചൊല്ലിക്കൊടുക്കും. ജില്ലാ ക്യാൻസർ സെന്ററും നൂതന ചികിത്സ രീതികളും എന്ന വിഷയത്തിൽ ജില്ലാ ക്യാൻസർ സെന്റർ റേഡിയേഷൻ ഓങ്കോളജിസ്റ്റ് ഡോ. ആർ രാജേഷ് സംസാരിക്കും. ആരോ​ഗ്യവകുപ്പിന്റെ കീഴിൽ സംഘടിപ്പിക്കുന്ന ഏറ്റവും ബൃഹത്തായ കാൻസർ പ്രതിരോധ, പരിശോധന പരിപാടി വനിതദിനമായ ഫെബ്രുവരി 4 ന് ആരംഭിച്ച് മാർച്ച് 8 വനിതദിനം വരെയാണ്. ആരോ​ഗ്യവകുപ്പിന്റെ സംവിധാനങ്ങൾക്ക് പുറമെ സ്വകാര്യലാബുകൾ, ഡയ​ഗ്നേസറ്റിക്ക് സെന്ററുകളും പരിപാടിയുടെ ഭാ​ഗമാകും.