കൽപ്പറ്റ എക്സൈസ് സംഘം നാല് ലിറ്റർ ചാരായവുമായി യുവാവിനെ അറസ്റ്റ് ചെയ്തു.

By ന്യൂസ് വയനാട് ബ്യൂറോ

വെണ്ണിയോട് : കൽപ്പറ്റ എക്സൈസ് സർക്കിൾ ഇൻസ്പെക്ടർ ഷർഫുദ്ദീൻ ടി യും സംഘവും അരമ്പറ്റക്കുന്ന് വൈപ്പടി ഭാഗത്ത് നടത്തിയ പരിശോധനയിൽ 4 ലിറ്റർ ചാരായവുമായി യുവാവിനെ അറസ്റ്റ് ചെയ്തു.

അരമ്പറ്റക്കുന്ന് , വൈപ്പടി ഭാഗങ്ങളിൽ ചാരായം വിൽപ്പന നടത്തി വന്നിരുന്ന അരമ്പറ്റക്കുന്ന് വൈപ്പടി സ്വദേശി വൈപ്പടി വീട്ടിൽ ജയചന്ദ്രൻ വി എം (45) എന്നയാളെയാണ് അറസ്റ്റ് ചെയ്തത്. ഇയാൾ ഇതിനു മുമ്പും സമാന തരത്തിലുള്ള കേസിന് അറസ്റ്റിലായിട്ടുണ്ട്.

പരിശോധനയിൽ പ്രിവൻ്റീവ് ഓഫീസർമാരായ കൃഷ്ണൻകുട്ടി പി ,

ലത്തീഫ് കെഎം ,

സിവിൽ എക്സൈസ് ഓഫീസർമാരായ സജിപോൾ, സജിത്ത്, അനീഷ് ഇ ബി , ബിന്ദു കെ കെ എന്നിവർ പങ്കെടുത്തു.

10 വർഷം വരെ കഠിന തടവ് ശിക്ഷ ലഭിച്ചേക്കാവുന്ന കുറ്റമാണിത്.

പ്രതിയെ ജെ എഫ് സിഎം കൽപ്പറ്റ കോടതി മുമ്പാകെ ഹാജറാക്കുന്നതാണ്.

ഈ കേസിൽ പ്രതിക്ക് 10 വർഷം വരെ തടവുശിക്ഷ ലഭിക്കാൻ സാധ്യതയുണ്ട്. പ്രതിയെ കോടതിയിൽ ഹാജരാക്കും.