കേന്ദ്ര സര്ക്കാര് നിലപാട് ദുരന്ത ബാധിതരെ അപമാനിക്കുന്നതിനും തുല്യം; സംഷാദ് മരക്കാർ
കൽപ്പറ്റ :_വയനാട് ദുരന്തത്തിന്റെ പശ്ചാത്തലത്തില് പുനരധിവാസ പ്രവര്ത്തനങ്ങള്ക്കായി പ്രത്യേക സാമ്പത്തിക പാക്കേജ് പ്രഖ്യാപിക്കുന്നതിന് പകരം 529.50 കോടി രൂപ വായ്പ അനുവദിച്ച കേന്ദ്ര സര്ക്കാര് നടപടി ദുരന്തബാധിതരെ അപമാനിക്കുന്നതിന് തുല്യമാണ്. സർവ്വതും നഷ്ടപ്പെട്ട് അതിജീവനത്തിന്റെ പാതയിലുള്ള ജനതയെയാണ് വെല്ലുവിളിക്കുന്നതെന്നത് കേന്ദ്ര സര്ക്കാര് മറക്കരുത്.
50 വര്ഷത്തേക്കുള്ള വായ്പാ പദ്ധതിയില് ഉള്പ്പെടുത്തി 16 പദ്ധതികള്ക്കായി അനുവദിച്ചിരിക്കുന്ന പലിശരഹിത വായ്പ മാര്ച്ച് 31-ന് മുന്പ് വിനിയോഗിക്കണമെന്നതാണ് നിര്ദ്ദേശം. ഇത് അപ്രായോഗികമാണ്.
ദുരന്തബാധിതരെ സഹായിച്ചെന്നു വരുത്തിതീര്ത്ത് ശ്വാസം മുട്ടിക്കാനാണ് കേന്ദ്ര സര്ക്കാരിന്റെ ശ്രമം.
വായ്പയല്ല, 2000 കോടിയുടെ പ്രത്യേക സാമ്പത്തിക പാക്കേജാണ് കേന്ദ്ര സര്ക്കാര് വയനാടിന് അനുവദിക്കേണ്ടത്. അത് നല്കാനുള്ള ഭരണഘടനാപരമായ ബാധ്യതയും കേന്ദ്ര സര്ക്കാരിനുണ്ട്.
വയനാട്ടിലെ ജനങ്ങളോടുള്ള കേന്ദ്ര സര്ക്കാരിന്റെ മനുഷ്യത്വ രഹിതമായ അവഗണന ഒരിക്കലും നീതീകരിക്കാവുന്നതല്ല. ജില്ലാ പഞ്ചായത്ത് പ്രസിഡന്റ് സംഷാദ് മരക്കാർ വാര്ത്താക്കുറിപ്പില് പറഞ്ഞു.
Leave a Reply