November 16, 2026

ബഡ്സ് ഒളിമ്പിയ 2025* *കല്‍പ്പറ്റ ബഡ്സ് സ്‌കൂളിന് കിരീടം* 

0
Img 20250214 220606
Merin S
By ന്യൂസ് വയനാട് ബ്യൂറോ

 

കുടുംബശ്രീ ജില്ലാ മിഷന്റെ നേതൃത്വത്തില്‍ ബൗദ്ധികമായി വെല്ലുവിളികള്‍ നേരിടുന്ന കുട്ടികള്‍ക്കായി സംഘടിപ്പിച്ച ബഡ്സ് ഒളിമ്പിയ 2025 ജില്ലാതല കായികമേളയില്‍ കല്‍പ്പറ്റ ബഡ്സ് സ്‌കൂളിന് കിരീടം. 81 പോയിന്റ് നേടിയാണ് കല്‍പ്പറ്റ ബഡ്സ് സ്‌കൂള്‍ചാമ്പ്യന്‍മാരായ വിഭിന്നശേഷി കുട്ടികളുടെ ആരോഗ്യം- കായികപരവുമായ കഴിവ് പ്രോത്സാഹിപ്പിക്കുക ലക്ഷ്യമിട്ടാണ് കുടുംബശ്രീ കായികമേള സംഘടിപ്പിച്ചത്.

സബ് ജൂനിയര്‍, ജൂനിയര്‍, സീനിയര്‍, ലോവര്‍- ഹയര്‍ എബിലിറ്റി വിഭാഗങ്ങളിലായി 50, 100 മീറ്റര്‍ ഓട്ടം, ലോങ്ങ് ജംപ്, 100 മീറ്റര്‍ നടത്തം, സോഫ്റ്റ് ബോള്‍ ത്രോ, ഷോര്‍ട്ട്പുട്ട്, സ്റ്റാന്‍ഡിങ് ബ്രോഡ് ജംപ്, റിലേ, ബാസ്‌കറ്റ് ബോള്‍ ത്രോ ഇനങ്ങളിലാണ് മത്സരം നടന്നത്. കായിക മത്സരങ്ങളില്‍ ജില്ലയിലെ 11 ബഡ്സ് സ്‌കൂളുകളില്‍ നിന്നായി 300 ലധികം കുട്ടികള്‍ വിവിധ ഇനങ്ങളിലായി പങ്കെടുത്തു. ജില്ലാതല മത്സരത്തില്‍

62 പോയിന്റുമായി തിരുനെല്ലി ബഡ്സ് പാരഡൈസ് രണ്ടാം സ്ഥാനവും 52 പോയിന്റുമായി നൂല്‍പ്പുഴ ചിമിഴ് ബഡ്സ് സ്‌കൂള്‍ മൂന്നാം സ്ഥാനവും നേടി. ജില്ലാതല മത്സര വിജയികള്‍ ഫെബ്രുവരി 27, 28 തിയതികളില്‍ കാലിക്കറ്റ് യൂണിവേഴ്‌സിറ്റിയില്‍ നടക്കുന്ന സംസ്ഥാനതല മത്സരത്തില്‍ പങ്കെടുക്കും. കല്‍പറ്റ എംകെ ജിനചന്ദ്രന്‍ ജില്ലാ സ്റ്റേഡിയത്തില്‍ നടന്ന കായികമേള ജില്ലാ ഫുട്‌ബോള്‍ അസോസിയേഷന്‍ പ്രസിഡന്റ് കെ. റഫീഖ് ഉദ്ഘാടനം ചെയ്തു. കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍ പി.കെ ബാലസുബ്രഹ്മണ്യന്‍ അധ്യക്ഷനായ പരിപാടിയില്‍ എഡിഎം സിമാരായ കെ.കെ ആമീന്‍, കെ.എം സലീന, ജില്ലാമിഷന്‍ പ്രോഗ്രാം മാനേജര്‍ കെ.ജെ ബിജോയ്, ബ്ലോക്ക് കോ-ഓര്‍ഡിനേറ്റര്‍ വി.കെ അനുശ്രീ എന്നിവര്‍ സംസാരിച്ചു.

Ad
Ad

Leave a Reply

Leave a Reply

Your email address will not be published. Required fields are marked *