തെരുവ് നായകൾ കോഴികളെ ആക്രമിച്ചു കൊന്നു 

By ന്യൂസ് വയനാട് ബ്യൂറോ

തലപ്പുഴ: തലപ്പുഴ പുതിയിടത്ത് തെരുവ് നായകൾ കോഴികളെ ആക്രമിച്ചു കൊന്നു. പത്തിലധികം കോഴികളെയാണ് ആക്രമിച്ചു കൊന്നത്. നിരവധി കോഴികൾക്ക് ആക്രമണത്തിൽ പരിക്കേറ്റിട്ടുണ്ട്. കഴിഞ്ഞ ദിവസം വൈകിട്ടോടെയാണ് സംഭവം.പുതിയിടം കൂരിമണ്ണിൽ അമീൻ വീട്ടിൽ വളർത്തിയിരുന്ന കോഴികളെയാണ് നായകൾ ആക്രമിച്ച് കൊന്നത്. തലപ്പുഴയിലും പരിസരത്തും കടുവയുള്ള വന്യമൃഗങ്ങൾക്ക് പുറമെ തെരുവ് നായകളുടെ ശല്യവും രൂക്ഷമാണ്. കഴിഞ്ഞ മാസം തലപ്പുഴ കാപ്പിക്കളത്ത് വെച്ച് തെരുവ് നായയുടെ ആക്രമണത്തിൽ നിന്ന് ഓടി രക്ഷപ്പെടുന്നതിനിടെ റബീഹ എന്ന വിദ്യാർത്ഥിക്ക് പരിക്കേറ്റിരുന്നു.