എന് എ വിനയക്ക് സംസ്ഥാന വനിതാരത്ന പുരസ്കാരം
സംസ്ഥാന സര്ക്കാരിന്റെ വനിതാരത്ന പുരസ്കാരം 2024 ആരോഗ്യ വനിത ശിശുവികസന വകുപ്പ് മന്ത്രി വീണാ ജോര്ജ് പ്രഖ്യാപിച്ചു. സ്ത്രീകളുടെയും കുട്ടികളുടെയും ശാക്തീകരണത്തില് വയനാട് മാടക്കര കേദാരം സ്വദേശി വിനയ എ.എന്യെ തിരഞ്ഞെടുത്തു.നാളെ വൈകുന്നേരം 5 മണിക്ക് തിരുവനന്തപുരം നിശാഗന്ധി ആഡിറ്റോറിയത്തില് സംഘടിപ്പിക്കുന്ന അന്താരാഷ്ട്ര വനിതാ ദിനാഘോഷത്തിന്റെ സംസ്ഥാനതല ഉദ്ഘാടനത്തോടനുബന്ധിച്ച് മന്ത്രി വീണാ ജോര്ജ് പുരസ്കാരങ്ങള് വിതരണം ചെയ്യും.
വിനയ എന്.എ.
33 വര്ഷം കേരള പോലീസ് സേനയില് സേവനമനുഷ്ഠിച്ചു. സമൂഹത്തില് നിലനില്ക്കുന്ന ലിംഗ വിവേചനത്തെ തിരിച്ചറിയുകയും അവയെ മാറ്റി ലിംഗസമത്വം നിലനിര്ത്തുന്നതിനും ലിംഗനീതി നടപ്പിലാക്കുന്നതിനും വേണ്ടി കഴിഞ്ഞ നാല്പ്പത് വര്ഷമായി കേരളത്തില് വ്യക്തി ജീവിതത്തിലും പൊതുസമൂഹത്തിലും സജീവമായി ഇടപ്പെട്ട് ധാരളം പ്രവര്ത്തനങ്ങള് നടത്തിവരുന്നു. 33 വര്ഷം കേരള പോലീസില് സേവനമനുഷ്ഠിച്ച, വിനയ വഹിച്ചിരുന്ന എല്ലാ തസ്തികകളിലും ലിംഗനീതി ഉറപ്പാക്കാന് സാധിച്ചിട്ടുണ്ട്. പോലീസ് സേനയില് യൂണിഫോം ഏകീകരികരണം, ഒരുമിച്ചുള്ള പരിശീലനം, സ്ത്രീകള്ക്ക് വാഹനങ്ങളില് ഡ്രൈവറായി ജോലി ചെയ്യുന്നതിന് അവസരമുണ്ടാക്കുക തുടങ്ങിയവ നടപ്പിലാക്കാന് പരിശ്രമിച്ചു.
Leave a Reply