പഞ്ചസാര ലോഡിൻ്റെ മറവിൽഹാൻസ് കടത്ത്; മൂന്നര ടണ്ണോളം ഉൽപ്പന്നങ്ങൾ പിടികൂടി 

By ന്യൂസ് വയനാട് ബ്യൂറോ

കൽപ്പറ്റ: മുത്തങ്ങ എക്സൈസ് ചെക്ക് പോസ്റ്റിൽ എക്സൈസ് ഇൻസ്പെക്ടർ എസ് മഹേഷിൻ്റെ നേതൃത്വത്തിൽ നടത്തിയ വാഹന പരിശോധനയിൽ വൻ ഹാൻസ് ശേഖരം പിടികൂടി. സംഭവവുമായി ബന്ധപ്പെട്ട് കോയമ്പത്തൂർ പൊള്ളാച്ചി സ്വദേശി കാളി മുത്തു കുമാറിനെ (41) എക്സൈസ് സംഘം കസ്റ്റഡിയിലെടുത്തു. KA-59-9282 നമ്പർ ലോറിയിൽ പഞ്ചസാര ലോഡിന്റെ മറവിൽ കടത്തുകയായിരുന്ന 3481.74 കിലോഗ്രാം നിരോധിത പുകയില ഉൽപ്പന്നങ്ങളാണ് പിടിച്ചെടുത്തത്. പരിശോധനാ സംഘത്തിൽ പ്രിവന്റീവ് ഓഫീസർമാരായ പ്രജീഷ് എ.സി, ബിനുമോൻ എ.എം, സിവിൽ എക്‌സൈസ് ഓഫീസർമാരായ ജിതിൻ പി.പി, അരുൺ കെ.സി എന്നിവരും ഉണ്ടായിരുന്നു.