വേനൽക്കാല ബോധവൽക്കരണ ക്ലാസ്സ്‌ സംഘടിപ്പിച്ചു 

By ന്യൂസ് വയനാട് ബ്യൂറോ

ബത്തേരി :വയനാട് ആയുഷ് ട്രൈബൽ മെഡിക്കൽ യൂണിറ്റ് ‘പച്ചമര തണലിൽ ‘ എന്ന പേരിൽ വേനൽക്കാല ആയുഷ് പാനീയങ്ങളെ കുറിച്ചും, വേനൽക്കാല രോഗ പ്രതിരോധത്തെക്കുറിച്ചുമുള്ള ബോധവൽക്കരണ ക്ലാസ്സ്‌ താളൂർ പല്ലടം കുന്ന് ഊരിൽ സംഘടിപ്പിച്ചു. വേനൽക്കാലത്തു സ്വീകരിക്കേണ്ട മുൻകരുതലുകളെ കുറിച്ചും,ഭക്ഷണ രീതികളെ കുറിച്ചും, സൂര്യാഘാത സാധ്യതകളെ കുറിച്ചും ,നന്നാറി-കശ കശ സർബത്ത്,രാമച്ച കുടിനീർ,കശ കശ കുടിനീർ,പുതിന തേനൂറൽ, സംഭാരം തുടങ്ങിയ ഔഷധ പാനീയങ്ങളുടെ നിർമ്മാണ രീതികളെ കുറിച്ചും ഡോ അരുൺ ബേബി ക്ലാസ്സുകളെടുത്തു.ആശ വർക്കർ  സീത ആശംസകൾ അർപ്പിച്ചു. നന്നാറി -കശ കശ സർബത്ത് എല്ലാവർക്കും വിതരണം ചെയ്തു.ട്രൈബൽ പ്രൊമോട്ടർ  സരിത നന്ദി അർപ്പിച്ചു. ഊര് മൂപ്പൻ ബാലൻ, ട്രൈബൽ യൂണിറ്റ് അംഗം അരുൺ ജോസ് തുടങ്ങിയവർ പങ്കെടുത്തു. സിദ്ധ മെഡിക്കൽ ക്യാമ്പും സംഘടിപ്പിച്ചു.