വിജയദശമി ആഘോഷിച്ചു

By ന്യൂസ് വയനാട് ബ്യൂറോ

പുൽപ്പള്ളി: പുൽപ്പള്ളി സീതാദേവി ക്ഷേത്രത്തിൽ നടന്ന വിജയദശമി ദിനത്തിൽ മേഖലയിലെ വിവിധ ഭാഗങ്ങളിൽ നിന്ന് നൂറ് കണക്കിന് കുരുന്നുകളാണ് വിദ്യാരംഭം കുറിക്കാൻ എത്തിയത്. രാവിലെ 8 മണി മുതൽ തന്നെ ആരംഭിച്ച വിദ്യാരംഭത്തിനും വാഹനപൂജക്കും ഭക്തരുടെ വൻ തിരക്കാണ് അനുഭവപ്പെട്ടത്. മൂലസ്ഥാനമായ ചേടാറ്റിൻകാവിൽ ഗ്രന്ഥപൂജക്കുള്ള സൗകര്യവും ഒരുക്കിയിരുന്നു. വിദ്യാരംഭ ചടങ്ങുകൾക്ക് ട്രസ്റ്റി കുപ്പത്തോട് രാജശേഖരൻ നായർ, എക്‌സീക്യൂട്ടീവ് ഓഫീസർ വിജേഷ്, വിജയൻ കുടിലിൽ എന്നിവർ നേതൃത്വം നൽകി.