സംസ്ഥാനത്ത് മഴ മുന്നറിയിപ്പില് മാറ്റം; 8 ജില്ലകളില് റെഡ് അലര്ട്ട്
കല്പ്പറ്റ:സംസ്ഥാനത്ത് മഴ മുന്നറിയിപ്പില് മാറ്റം. കേരളത്തില് ഉടനീളം വ്യാപക മഴയ്ക്ക് സാധ്യത. 8 ജില്ലകളില് അതിതീവ്ര മഴ മുന്നറിയിപ്പായ റെഡ് അലര്ട്ട് പ്രഖ്യാപിച്ചു. മറ്റെല്ലാ ജില്ലകളിലും ഓറഞ്ച് അലര്ട്ട് നിലനില്ക്കുകയാണ്. പത്തനംതിട്ട, ഇടുക്കി, കോട്ടയം, എറണാകുളം, വയനാട്, കോഴിക്കോട്, കണ്ണൂര്, കാസര്ഗോഡ് ജില്ലകളിലാണ് റെഡ് അലര്ട്ട് പുറപ്പെടുവിച്ചിരിക്കുന്നത്.
കൊല്ലം ജില്ലയില് മഴ തുടരുന്നതിനാല് മുന്കരുതല് നടപടികളുടെ ഭാഗമായി ഇന്ന് സാമ്പ്രാണിക്കോടി വിനോദസഞ്ചാര കേന്ദ്രത്തില് ബോട്ടിംഗ് സര്വീസ് റദ്ദാക്കിയതായി ഡി.ടി.പി.സി സെക്രട്ടറി അറിയിച്ചു.
അതേസമയം, എറണാകുളം ജില്ലയുടെ തീരമേഖലയില് റെഡ് അലര്ട്ട്. മുനമ്പം മുതല് മറുവക്കാട് വരെയാണ ജാഗ്രതാ നിര്ദേശം നല്കിയിട്ടുള്ളത്. കള്ളക്കടല് പ്രതിഭാസത്തിന്റെ ഭാഗമായി ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്നും മുന്നറിയിപ്പുണ്ട്. സമീപത്തുള്ള ആലപ്പുഴ, തൃശൂര് ജില്ലകളുടെ തീരങ്ങളിലും റെഡ് അലര്ട്ട് ആണ്. പ്രൊഫഷണല് സ്ഥാപനങ്ങള് ഉള്പ്പെടെ ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും ഇന്ന് അവധി പ്രഖ്യാപിച്ചിട്ടുണ്ട്. ജില്ലയിലെ ടൂറിസ്റ്റു കേന്ദ്രങ്ങളും അടച്ചു.
Leave a Reply