നാളത്തെ പഞ്ചായത്ത് വികസന പത്രിക തയ്യാറാക്കല് ശില്പശാല നടത്തി
മീനങ്ങാടി: കേരള ശാസ്ത്രസാഹിത്യപരിഷത്ത് സംസ്ഥാന തലത്തില് നടത്തുന്ന നാളത്തെ പഞ്ചായത്ത് ജനകീയവികസന പത്രിക തയ്യാറാക്കല് പരിപാടിയുടെ ഭാഗമായി വയനാട് ജില്ലാക്കമ്മറ്റിയുടെ നേതൃത്വത്തില് വികസന പത്രിക തയ്യാറാക്കല് ശില്പശാല മീനങ്ങാടി സ്റ്റെര്ക്ക് ഹാളില് നടത്തി. വൈത്തിരി, മുട്ടില്, മീനങ്ങാടി , പുല്പള്ളി എന്നീ ഗ്രാമപഞ്ചായത്തുകളിലും മാനന്തവാടി മുനിസിപ്പാലിറ്റിയിലും ആണ് ജനകീയ വികസന പത്രിക തയ്യാറാക്കുന്നത്. ഇവിടങ്ങളില് ഒക്ടോബര് 2 ന് വികസന ജനസഭ നടത്തും.വികസന പത്രിക എങ്ങനെ തയ്യാറാക്കാം എന്ന വിഷയം പരിഷത്ത്ജില്ല വികസനവിദഗ്ധസമിതി കണ്വീനര് പ്രൊഫ.കെ.ബാലഗോപാലന് വിശദീകരിച്ചു.
കൃഷി മണ്ണു ജല സംരക്ഷണം, അടിസ്ഥാന വികസനം – പാര്പ്പിടം – ഊര്ജം, ലിംഗനീതി, ഭിന്നശേഷി – വയോജന വികസനം, ദുരന്ത നിവാരണം-കാലാവസ്ഥ വ്യതിയാനം – ജൈവ വൈവിധ്യ സംരക്ഷണം, വിദ്യാഭ്യാസം -സംസ്ക്കാരം – കലാകായികം, തുടങ്ങിയ വിഷയങ്ങളില് ഫോക്കസ് ഗ്രൂപ്പ് ചര്ച്ചകളിലൂടെ തയ്യാറാക്കിയ നിര്ദ്ദേശങ്ങള് ഇ.വി. വിനോദന് , സിറിയക്ക് സെബാസ്റ്റ്യന്, കെ.എസ്. പ്രഭാകുമാരി , എം.കെ. സുന്ദര്ലാല് , പി.എം.ബാലകൃഷ്ണന് , കെ.ജെ.യോഹന്നാന്, പി.അനില്കുമാര് ,പി.യു. മര്ക്കോസ്, എ.കെ.ഷിബു, ടി.ആര് .സുമ എന്നിവര് അവതരിപ്പിച്ചു. പരിഷത്ത് വയനാട് ജില്ല പ്രസിഡന്റ് പി.അനില്കുമാര് തുടര് പ്രവര്ത്തനങ്ങള് വിശദീകരിച്ചു. വികസന ഉപസമിതി കണ്വീനര് എം.എം. ടോമി സ്വാഗതവും പി.കെ രാജപ്പന് റിസോഴ് സ്പേഴ്സണ് നന്ദിയും പറഞ്ഞു
Leave a Reply