ലഹരിക്കെതിരെ താളമിട്ട് പനമരം ജിഎച്ച്എസ്എസിലെ ചലഞ്ചേഴ്സ് ക്ലബ്
പനമരം: പതിവ് ലഹരിവിരുദ്ധ റാലികൾക്കും പ്രഭാഷണങ്ങൾക്കും പകരം വേറിട്ടൊരു വഴി തിരഞ്ഞെടുത്തിരിക്കുകയാണ് പനമരം ഗവ. ഹയർ സെക്കൻഡറി സ്കൂളിലെ വിദ്യാർത്ഥികൾ. കേരളത്തിന്റെ തനത് കലാരൂപമായ കൈകൊട്ടിക്കളിയിലൂടെ ലഹരിക്കെതിരെ ശക്തമായ ബോധവൽക്കരണ സന്ദേശം പകരുകയാണ് സ്കൂളിലെ ‘ചാലഞ്ചേഴ്സ് ക്ലബ്’.
ലഹരിവിരുദ്ധ സന്ദേശങ്ങൾ ഉൾക്കൊള്ളിച്ച് കുട്ടികൾ തന്നെയാണ് ഇതിന്റെ പാട്ടുകളും ചുവടുകളും സ്വയം തയ്യാറാക്കിയത്. അധ്യാപകരായ രേഖ കെ., നവാസ് ടി. എന്നിവരുടെ നേതൃത്വത്തിലാണ് ഈ വേറിട്ട കൂട്ടായ്മ അണിയറയിൽ ഒരുങ്ങിയത്.
ഇസാഫ് ഫൗണ്ടേഷനുമായി സഹകരിച്ച് വയനാട് ജില്ലയിലെ അഞ്ചോളം സ്കൂളുകളിൽ ഈ കുട്ടിക്കൂട്ടം ഇതിനകം പരിപാടി അവതരിപ്പിച്ചു കഴിഞ്ഞു.
Leave a Reply