നറുക്കെടുപ്പിലൂടെ മുട്ടിൽ പഞ്ചായത്ത് ഭരണം എൽ.ഡി.എഫിന് .

മുട്ടിൽ ഗ്രാമപഞ്ചായത്ത് ഭരണം എൽ.ഡി.എഫ് തിരിച്ചു പിടിച്ചു. ബുധനാഴ്ച  രാവിലെ 11 മണിക്ക് ജില്ലാ വ്യവസായ കേന്ദ്രം റിട്ടേണിംഗ് ഓഫീസർ പി.പ്രേംരാജാണ് നറുക്കെടുപ്പിലൂടെ പി.ഭരതനെ പുതിയ പ്രസിഡന്റായി തിരെഞ്ഞെടുത്തത്.മുൻ പഞ്ചായത്ത് പ്രസിഡന്റായിരുന്ന എ.എം നജീം പ്രസിഡന്റ് സ്ഥാനം രാജിവെച്ചിരുന്നു. പിന്നീട് താത്ക്കാലികമായി 9-ാം വാർഡ് മെമ്പറായിരുന്ന യു.ഡി.എഫിന്റെ സി.കെ ബാലകൃഷ്ണനായിരുന്നു പഞ്ചായത്ത് പ്രസിഡന്റ്. ഏറെ നാളായി മുട്ടിൽ പഞ്ചായത്തിലുണ്ടായിരുന്ന ഭരണ അനിശ്ചിതത്വത്തിനാണ് ഇന്ന് തിരശ്ശീല വീണിരിക്കുന്നത്.