ആയിരം ദിനാഘോഷം : സ്വാഗതസംഘം യോഗം 11ന്
കൽപ്പറ്റ:
സംസ്ഥാന സർക്കാർ ആയിരം ദിനം പൂർത്തിയാക്കുന്നതിന്റെ ഭാഗമായി സംഘടിപ്പിക്കുന്ന ആഘോഷ പരിപാടിയുടെ ജില്ലാതല സ്വാഗതസംഘം രൂപീകരണ യോഗം ഫെബ്രുവരി 11 ന് നടക്കും. ആരോഗ്യ-സാമൂഹ്യനീതി വകുപ്പ് മന്ത്രി കെ.കെ. ശൈലജ അധ്യക്ഷത വഹിക്കും. രാവിലെ 11.30-ന് കളക്ടറേറ്റ് മെയിൻ കോൺഫറൻസ് ഹാളിലാണ് യോഗം. ജനപ്രതിനിധികൾ, വകുപ്പ് ജില്ലാതല മേധാവികൾ, രാഷ്ട്രീയ പാർട്ടി പ്രതിനിധികൾ, എൻ.ജി ഒ, സന്നദ്ധ സംഘടന പ്രതിനിധികൾ സാമൂഹ്യ സാംസ്കാരിക സംഘടനാ പ്രവർത്തകർ തുടങ്ങിയവർ യോഗത്തിൽ പങ്കെടുക്കണമെന്ന് ജില്ലാ കളക്ടർ അഭ്യർത്ഥിച്ചു.
Leave a Reply