ഹെൽമറ്റ് ധരിച്ചതിനാൽ ജീവൻ രക്ഷപ്പെട്ടു.: നടുക്കം മാറാതെ ലീഡിംഗ് ഫയർമാൻ ജോസഫ്.

കൽപ്പറ്റ: കൈക്കല്ലേ പരിക്കുള്ളൂ.. ജീവൻ കിട്ടിയല്ലോ. ? ലീഡിംഗ് ഫയർമാൻ  ജോസഫ് സന്തോഷത്തോടെ ഇത് പറയുമ്പോഴും ആളികത്തുന്ന തീഗോളങ്ങൾക്കരികിൽ തന്നോടൊപ്പം ദുരന്ത നിവാരണത്തിൽ ഏർപ്പെട്ട 150 ഓളം പേരുടെയും ആശങ്ക ആ മുഖത്തുണ്ട്. കൽപ്പറ്റ സിന്ദൂർ ടെക്സ്റ്റയിൽസിന് ബുധനാഴ്ച  രാത്രി  ഏഴരയോടെ തീ പിടിച്ചപ്പോൾ കൽപ്പറ്റ ഫയർ ആന്റ്  റെസ്ക്യൂ സ്റ്റേഷനിലെ ഫയർ ഓഫീസർമാരാണ് ആദ്യമെത്തിയത്.  അപ്പോൾ തുടങ്ങിയ  രക്ഷാ പ്രവർത്തനത്തിലും ദുരന്ത നിവാരണത്തിലും ഏർപ്പെട്ടവർ പുലർച്ചെ അഞ്ചര വരെ വിശ്രമമില്ലാതെ ജോലി ചെയ്തു. പൂർണ്ണമായും തീ അണഞ്ഞെന്ന് ഉറപ്പായ ശേഷം എട്ട് മണിക്കാണ് അഗ്നിശമന സേനാ അംഗങ്ങൾ മടങ്ങിയത്.