ചെറുവയൽ രാമന് കർഷക ജ്യോതി പുരസ്കാരം

മാനന്തവാടി:  വിത്തച്ഛനെന്നും നെല്ലച്ഛനും കേരളം വിളിച്ചാദരിച്ച ചെറുവയൽ രാമന് ഒരു പുരസ്കാര കിരീടം കൂടി.

കേരള കൃഷി വകുപ്പിൻ്റെ കർഷക ജ്യോതി പുരസ്കാരം കൃഷി വകുപ്പ് മന്ത്രി പി. പ്രസാദ് ഇന്നലെ പ്രഖ്യാപിച്ചു. മികച്ച പട്ടികജാതി – പട്ടികവർഗ്ഗ കർഷകനുള്ള കർഷക ജ്യോതി പുരസ്കാരമാണ് രാമേട്ടനെ തേടി എത്തിയത്. അന്യാധീനമായി കൊണ്ടിരിക്കുന്ന പരമ്പരാഗത നെൽ വിത്തുകളുടെ സംരക്ഷകനും കാവലാളുമായി ചെറുവയൽ  രാമൻ്റെ പ്രവർത്തനങ്ങൾക്കുള്ള അംഗീകാരമാണീ പുരസ്കാരം .വയനാടിനും ഈ ചരിത്ര നേട്ടത്തിൽ അഭിമാനിക്കാം .