പ്രമുഖ നാടകാചാര്യനും സാമൂഹ്യ പ്രവർത്തകനുമായ മധു മാസ്റ്റർ നിര്യാതനായി

കോഴിക്കോട് : മലയാള നാടകാചാര്യനും രാഷ്ട്രീയ സാമൂഹിക പ്രവർത്തകനുമായ മധു മാസ്റ്റർ (കെ. മധുസൂദനൻ -74 ) നിര്യാതനായി . എരഞ്ഞിപ്പാലം സഹകരണ ആശുപത്രിയിൽ ചികിത്സയിലായിരുന്നു. 

അമ്മ, സ്പാർട്ടക്കസ് , പുലിമറഞ്ഞ കുട്ടൻ മൂസ്, മൂട്ട , സുനന്ദ തുടങ്ങിയ പതിനഞ്ച് നാടകങ്ങളുടെ രചയിതാവാണ്. എട്ടോളം സിനിമകളിൽ വേഷമിട്ടു.നക്സൽ പ്രസ്ഥാനത്തിന്റെ വയനാട് ജില്ലാ സെക്രട്ടറിയായിരിക്കെ ആറ് മാസം അറസ്റ്റിലായി കൊടിയ പീഡനങ്ങൾ നേരിട്ടു.

സി പി എം, സിപിഐ, സി പി ഐ എം എൽ സഹയാത്രികനായിരുന്നു.മലയാള മനോരമ സീനിയർ ഫോട്ടോഗ്രാഫർ എം.ടി. വിധു രാജിന്റെ പിതാവാണ്. 

ഭാര്യ: കെ. തങ്കം. മറ്റൊരു മകൻ: അഭിനയ രാജ് (എ എൻ എസ് മീഡിയ കൊച്ചി )

മരുമക്കൾ : സ്വർണ വിധു രാജ്, പി. സുദർഷിണ.