വെങ്ങപ്പള്ളി ആർ സി എൽ പി സ്കൂൾ വാർഷികാഘോഷം വിപുലമായി ആഘോഷിച്ചു

വെങ്ങപ്പള്ളി: വെങ്ങപ്പള്ളി ആർ സി എൽ പി സ്കൂൾ 80 ആം വാർഷികാഘോഷ മേളം 2023 വിപുലമായ പരിപാടികളോടെ ആഘോഷിച്ചു.ചടങ്ങ് വെങ്ങപ്പള്ളി ഗ്രാമ പഞ്ചായത്ത് പ്രസിഡന്റ് ഇ കെ രേണുക ഉദ്ഘാടനം ചെയ്തു. പി ടി എ പ്രസിഡന്റ് കെ എ റഹ് മാൻ അദ്ധ്യക്ഷനായി.വിരമിക്കുന്ന വൈത്തിരി എ ഇ ഒ വി മോഹനന് ഗ്രാമപഞ്ചായത്ത് വൈസ് പ്രസിഡന്റ് പി എം നാസർ ഉപഹാരം നൽകി. സ്കൂൾ മാനേജർ ഫാ: സെബാസ്റ്റ്യൻ കാരെക്കാട്ട് അനുഗ്രഹ പ്രഭാഷണവും വിദ്യാഭ്യാസ സ്റ്റാന്റിംഗ് കമ്മറ്റി ചെയർ പേഴ്സൺ ഷംന റഹ്മാൻ സമ്മാനദാനവും നടത്തി.

ആശംസകളർപ്പിച്ച് വാർഡ് മെമ്പർമാരായ കെ എ രാമൻ, ശ്രീജ, പൂർവ്വ വിദ്യാർത്ഥി സംഘടന പ്രസിഡന്റ് ജോസഫ് പ്ലാറ്റോ പിടിഎ വൈസ് പ്രസിഡന്റ് വിപിൻ ജോസ്, മദർ പിടിഎ പ്രസിഡന്റ് സമിത, നാസർ പച്ചൂരാൻ എന്നിവർ സംസാരിച്ചു.

ഹെഡ്മിസ്ട്രസ് ജാസി ടീച്ചർ സ്വാഗതവും സ്റ്റാഫ് സെക്രട്ടറി സിജി ഡിക്കോസ്റ്റ നന്ദിയും പറഞ്ഞു.