ജൈവ മാലിന്യ സംസ്കരണം അതിപ്രധാനമാണ്: ശുചിത്വ മിഷൻ്റെ നേതൃത്വത്തിൽ സൈക്കിൾ റാലി നടത്തി

ബത്തേരി: ഇന്ത്യൻ സ്വച്ഛത ലീഗ് രണ്ടാം ഘട്ട കര്യപരിപാടികളുടെ ഭാഗമായി ശുചിത്വ മിഷൻ്റെ നേതൃത്വത്തിൽ വയനാട് സൈക്ലിംഗ് അസോസിയേഷനും സുൽത്താൻ ബത്തേരി നഗരസഭയും സംയുക്തമായി സൈക്കിൾ റാലി നടത്തി. നഗരസഭാ ആരോഗ്യ സ്റ്റാൻഡിംഗ് കമ്മിറ്റി ചെയർപേ്സൺ ഷാമില ജുനൈസ് സൈക്കിൾ റാലി ഫ്ലാഗ് ഓഫ് ചെയ്തു.

ശുചിത്വ പ്രവർത്തനങ്ങളിൽ യുവജനങ്ങളുടെ പങ്കാളിത്വം ഉറപ്പാക്കുക എന്ന ലക്ഷ്യത്തോടെ ഇന്ത്യ ഉടനീളം നടത്തുന്ന വിവിധ പരിപാടികളും മത്സരങ്ങളുമാണ് ഇന്ത്യൻ സ്വച്ഛത ലീഗ് രണ്ടാം ഘട്ടം. ഇതിൻ്റെ ഭാഗമായാണ് സുൽത്താൻ ബത്തേരിയിൽ സൈക്കിൾ റാലി സംഘടിപ്പിച്ചത്.

ജൈവ മാലിന്യ സംസ്‌ക്കരണത്തെ പറ്റി പൊതുജനങ്ങളിൽ അവബോധം സൃഷ്ടിക്കുകയാണ് ലക്ഷ്യം.

നഗരസഭാ ക്ഷേമകാര്യ സ്റ്റാൻഡിംഗ് കമ്മിറ്റി ചെയർേഴ്സൺ സാലി പൗലോസ്, സീനിയർ സെക്രട്ടറി കെ.എം സൈനുദ്ദീൻ, ഹെൽത്ത് സൂപ്പർവൈസർ കെ സത്യൻ, ഐ.എസ്.എൽ നോഡൽ ഓഫീസർ സുനിൽ കുമാർ, ശുചിത്വ മിഷൻ യങ് പ്രൊഫഷണൽ എ.എസ് ഹാരിസ് , വയനാട് സൈക്ലിംഗ് അസോസിയേഷൻ പ്രസിഡൻ്റ് സത്താർ വിൽടൺ, സെക്രട്ടറി സുബൈർ ഏലക്കുളം, വൈസ് പ്രസിഡണ്ട് മിഥുൻ വർഗീസ് നഗരസഭാ കൗൺസിലർമാർ, ജീവനക്കാർ, ഹരിത കർമ സേന അംഗങ്ങൾ, പൊതുജനങ്ങൾ എന്നിവർ സൈക്കിൾ റാലിക്ക് നേതൃത്വം നൽകി.